نیوزی لینڈ کی سابق کرکٹر بھی پاکستانی ویمن کرکٹرز کی معترف

ویلنگٹن ///
نیوزی لینڈ کی سابق کرکٹر کیٹی مارٹن بھی پاکستانی ویمن کرکٹرز کی معترف ہوگئیں۔
پاکستان کرکٹ بورڈ (پی سی بی) ڈیجیٹل سے بات چیت میں کیٹی مارٹن کا کہنا تھا کہ نیوزی لینڈ کے خلاف سیریز میں پاکستانی ٹیم میں انرجی نظر آئی۔
انہوں نے کہا کہ نیوزی لینڈ میں فتح پاکستان ویمنز ٹیم کےلیے بہت اہمیت رکھتی ہے۔
نیوزی لینڈ کی سابق کرکٹر نے کہا کہ پاکستان سپر لیگ (پی ایس ایل) کے دوران ویمنز نمائشی میچوں سے کھلاڑیوں کو اعتماد ملا۔
کیٹی مارٹن کا کہنا تھا کہ فاطمہ ثنا کو ملاقات میں بتایا کہ وہ ایک زبردست مقابلہ کرنے والی کھلاڑی ہیں۔ ندا ڈار ایک اچھی کپتان ہیں، ہمسٹرنگ کے باوجود انہوں نے بہادری سے کھیلا۔
انہوں نے کہا کہ پاکستانی کھلاڑیوں کو خود پر یقین رکھنے کی ضرورت ہے۔