مودی نے طوفان مچونگ میں جانی نقصان پر گہرے دکھ کا اظہار کیا

نئی دہلی//وزیر اعظم نریندر مودی نے طوفان مچونگ کی وجہ سے خاص طور پر تمل ناڈو، آندھرا پردیش اور پڈوچیری میں ہونے والے جانی نقصان پر گہرے دکھ کا اظہار کیا ہے ۔
مسٹرمودی نے اس طوفان میں زخمی یا متاثر ہونے والوں کے لیے بھی دعا کی اور کہا کہ حکام متاثرین کی مدد کے لیے زمینی سطح پر انتھک کام کر رہے ہیں اور حالات مکمل طور پر معمول پر آنے تک اپنا کام جاری رکھیں گے ۔
ایک ایکس پوسٹ میں، وزیر اعظم نے کہا؛
‘‘میری ہمدردیاں ان لوگوں کے خاندانوں کے ساتھ ہیں جنہوں نے سائیکلون مچونگ کی وجہ سے اپنے پیاروں کو کھو دیا ہے ، خاص طور پر تمل ناڈو، آندھرا پردیش اور پڈوچیری میں۔ میری دعائیں اس طوفان کے نتیجے میں زخمی یا متاثر ہونے والوں کے ساتھ ہیں۔ حکام متاثرہ افراد کی مدد کے لیے زمینی سطح پر انتھک کام کر رہے ہیں اور حالات مکمل طور پر معمول پر آنے تک اپنا کام جاری رکھیں گے ‘‘۔