پوپ فرانسس سی اوپی28 میں شرکت نہیں کریں گے، دبئی کا دورہ منسوخ

ویٹیکن سٹی//
پوپ فرانسس نے بیماری کی وجہ سے ڈاکٹروں کے مشورے پر اقوام متحدہ کی آب و ہوا میں تبدیلی سے متعلق کانفرنس (سی او پی28) کے لیے اپنا دبئی کا دورہ منسوخ کر دیا ہے۔
ترجمان میٹیو برونی نے منگل کو یہ اطلاع دی۔ انہوں نے کہا، “پوپ فرانسس کی صحت میں بہتری آئی ہے۔ "ڈاکٹروں نے پوپ سے کہا ہے کہ وہ آنے والے دنوں میں دبئی کا سفر نہ کریں… پوپ فرانسس نے ڈاکٹروں کی درخواست کو انتہائی افسوس کے ساتھ قبول کیا اور دورہ منسوخ کر دیا گیا۔”قابل ذکر ہے کہ سی او پی 28کانفرنس 30 نومبر سے 12 دسمبر تک دبئی میں منعقد ہوگی۔ سی او پی 28کی سالانہ تقریبات موسمیاتی تبدیلی اور اس کے اثرات سے نمٹنے پر مرکوز ہیں۔