ججوں پر ٹرمپ کے حملے روکنے کا واحد طریقہ ہے کہ انہیں جیل میں ڈال دیا جائے

واشنگٹن///
ری پبلکن نیشنل کمیٹی کے سابق سربراہ مائیکل اسٹیل کا کہنا ہے کہ ججوں پر ڈونلڈ ٹرمپ کے حملے روکنے کا واحد طریقہ یہ ہے کہ سابق صدر کو جیل میں ڈال دیا جائے۔
امریکی ٹی وی کو انٹرویو میں مائیکل اسٹیل نے کہا کہ ٹرمپ کی جانب سے ججوں پر حملے انتہائی خطرناک صورتحال اختیار کرچکے ہیں اور وہ حیران ہیں کہ سابق صدر کو اس حد تک گرنے کی اجازت کیسے دیدی گئی؟
رہنما ری پبلکن پارٹی کے مطابق 2024 کے صدارتی امیدوار کا بہت زیادہ لحاظ کیا جاچکا ہے۔
خیال رہے کہ ٹرمپ نے مقدمے کی سماعت کرنے والےجج آرتھر کو کڑی تنقید کا نشانہ بنایا تھا، ڈونلڈ ٹرمپ کی تنقید کے بعد جج آرتھر اور لا کلرک کودھمکیاں ملی تھیں۔
امریکا کے سابق صدر ڈونلڈ ٹرمپ 11 دسمبر کو عدالت میں پیش ہوں گے۔