لیفٹیننٹ گورنر کی لیجنڈز لیگ کرکٹ کے کھلاڑیوں کیلئے ’ہائی ٹی‘ کی میزبانی

جموں//
لیفٹیننٹ گورنر ‘منوج سنہا نے راج بھون میں لیجنڈز لیگ کرکٹ میچوں میں حصہ لینے والے معروف بین الاقوامی کھلاڑیوں کے لیے ’ہائی ٹی‘ کا اہتمام کیا۔
کرکٹرز کے ساتھ بات چیت کرتے ہوئے لیفٹیننٹ گورنر نے کہا کہ جموں کشمیر کے پورے مرکز کے زیر انتظام علاقے کو ایم اے اسٹیڈیم میں ہونے والے میچوں پر فخر اورجوشی ہے۔ انہوں نے کہا’’کئی دہائیوں کے بعد یو ٹی کے لئے یہ پہلا بڑا بین الاقوامی کرکٹ ایونٹ ہے اور جموں کشمیر کے لئے کھیل کے نئے دور کا آغاز ہے‘‘۔
سنہا نے کہا’’بین الاقوامی کرکٹ سٹارز پر مشتمل یہ میچز نہ صرف ہمیں بین الاقوامی کھیلوں کے مقابلوں کے انعقاد میں بہترین کارکردگی کا مظاہرہ کرنے میں مدد فراہم کریں گے بلکہ عوام میں خاص طور پر نوجوانوں میں کھیلوں کے ایک مضبوط کلچر کو مقبول بنائیں گے‘‘۔
لیفٹیننٹ گورنر نے کہا کہ اگلے تین دنوں میں جموں کشمیر کھیلوں کے میدان میں کھیلوں کی عمدگی، لگن اور کرکٹرز کے عزم کا جشن منائے گا اور ان کا احترام کرے گا اور کھلاڑیوں کو اپنے قیام کے دوران یو ٹی کی مہمان نوازی اور جموں و کشمیر کی ناقابل یقین ثقافت سے لطف اندوز ہونے کا موقع ملے گا۔
سنہا نے کہا’’یہ ٹورنامنٹ کرکٹ کھیل کی اقدار کو برقرار رکھنے کا ایک موقع بھی ہے، جو امن، عمدگی، احترام، دوستی اور اتحاد کو فروغ دینا چاہتا ہے۔ ہر لحاظ سے، جموں کشمیر ان نظریات کی بازگشت اور تقویت دیتا ہے اور ایک فروغ پزیر کھیلوں کی ثقافت کو فروغ دیتا ہے‘‘۔
ایل جی کاکہنا تھا’’امن اور اتحاد لانے کے لیے کھیلوں کی طاقت غیر معمولی ہے اور مجھے یقین ہے کہ آپ کی موجودگی نوجوان نسل کو متاثر کرے گی اور ان کی حوصلہ افزائی کرے گی کہ وہ ایک نئے مستقبل کی تشکیل کے لیے اپنی حقیقی دعوت کو دریافت کریں‘‘۔
لیفٹیننٹ گورنر نے کرس گیل، ہربھجن سنگھ، سریش رائنا، پروین کمار، تھیسارا پریرا، اسٹورٹ بنی سمیت کھلاڑیوں کو مبارکباد دی اور بقیہ میچوں کے لیے ٹیموں کے لیے نیک خواہشات کا اظہار کیا۔