سرینگر/۶ نومبر
بانڈی پورہ پولیس نے نارکوٹک ڈرگس اینڈ سائیکو ٹراپک سبسٹبسز (این ڈی پی ایس) ایکٹ کی دفعات کے تحت ایک منشیات فروش کے قریب پونے دو لاکھ روپیے کی بچت کے بینک اکاﺅنٹ کو منجمد کر دیا ہے ۔
پولیس نے اس منشیات فروش کی شناخت عامر رشید شیخ ولد عبدالرشید شیخ ساکن شلوت سمبل کے بطور کی ہے جس کے اکاﺅنٹ میں میں 1 لاکھ 70 ہزار 8 سو 7 روپیے تھے ۔
انہوں نے کہا کہ یہ کارروائی مجاز اتھارٹی اور ایڈ منسٹریٹر ایس اے ایف ای ایم (نئی دہلی) نے این ڈی پی ایس کی دفعہ کے 68F(2) کے تحت انجام دی ہے جو حکام کو منشیات اسمگلنگ میں ملوث افراد کے اثاثوں کو منجمد کرنے کا اختیار دیتا ہے ۔
بانڈی پورہ پولیس نے ‘ایکس’ پر ایک پوسٹ میں کہا: ‘عامر رشید شیخ ولد عبدالرشید ساکن شلوت سمبل نامی منشیات فروش کے 1،70،807 روپیے کی بچے کے بینک اکاﺅنٹ کو منجمد کیا گیا’۔
پوسٹ میں کہا گیا: ‘ یہ کارروائی مجاز اتھارٹی اور ایڈ منسٹریٹر ایس اے ایف ای ایم (نئی دہلی) نے این ڈی پی ایس کی دفعہ کے 68F(2) کے تحت انجام دی ہے جو حکام کو منشیات اسمگلنگ میں ملوث افراد کے اثاثوں کو منجمد کرنے کا اختیار دیتا ہے ‘۔
