ضلع ڈوڈہ میں زلزلے کے جھٹکے‘ کوئی نقصان نہیں

جموں//
جموںکشمیر کے ضلع ڈوڈہ میں بدھ کی دو پہر کو زلزلے کے ہلکے جھٹکے محسوس کئے گئے تاہم کسی قسم کے کسی نقصان کی کوئی اطلاع نہیں ہے ۔
ریکٹر اسکیل پر اس زلزلے کی شدت۲ء۳ریکارڈ ہوئی ہے جبکہ زیر زمین اس کی گہرائی۵کلو میٹر تھی۔
نیشنل سینٹر فار سیسمالوجی کے مطابق جموں وکشمیر کے ضلع ڈوڈہ میں بدھ کے روز۱۲بجکر۲۲منٹ پر زلزلے کے جھٹکے محسوس کئے گئے ۔انہوں نے کہا کہ ریکٹر اسکیل پر اس زلزلے کی شدت۲ء۳ریکارڈ ہوئی ہے جبکہ زیر زمین اس کی گہرائی۵کلو میٹر تھی۔تاہم زلزلے سے کسی قسم کے جانی یا مالی نقصان کی کوئی اطلاع نہیں ہے ۔
جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے ۔
قابل ذکر ہے کہ سال رواں کے ماہ جون میں جموں وکشمیر اور لداخ یونین ٹریٹری زائد از ایک درجن زلزلوں کے جھٹکے محسوس کئے گئے ۔