نیوزی لینڈ کے کپتان کین ولیمسن تیزی سے صحت یاب ہونے لگے

بنگلورو//
نیوزی لینڈ کرکٹ ٹیم کے کپتان کین ولیمسن تیزی سے صحت یاب ہونے لگے۔
کین ولیمسن نے بیٹنگ پریکٹس کا آغاز کر دیا ہے، نیوزی لینڈ کے کپتان انگوٹھا زخمی ہونے کی وجہ سے ورلڈ کپ کے 2 میچز نہیں کھیل سکے تھے۔
اس حوالے سے نیوزی لینڈ کے ہیڈ کوچ گیری اسٹیڈ کا کہنا ہے کہ کین ولیمسن نے صحت یاب ہونے کے بعد پہلی مرتبہ بیٹنگ شروع کی ہے۔
انہوں نے بتایا کہ کین ولیمسن نے ابھی ہلکی پھلکی ٹریننگ شروع کی ہے لیکن یہ حوصلہ افزاء ہے، اگلے 2 روز ان کی ٹیم کو دستیابی کے لیے اہم ہیں۔
گیری اسٹیڈ کا کہنا ہے کہ ٹیم کو کپتان کی دستیابی کا انحصار کین ولیمسن کی نیٹ پریکٹس پر ہو گا، مارک چیپمین اور لوکی فرگوسن بھی اب بہتر ہو رہے ہیں۔
واضح رہے کہ کین ولیمسن بنگلا دیش کے خلاف میچ میں زخمی ہوئے تھے۔
انٹرنیشنل کرکٹ کونسل (آئی سی سی) کے ورلڈ کپ میں نیوزی لینڈ اور جنوبی افریقا کے درمیان اہم میچ یکم نومبر کو کھیلا جائے گا۔