نسیم کا کندھے کی سرجری کے بعد ری ہیب شروع، ویڈیو شیئر کردی

کراچی ///
پاکستانی کرکٹ ٹیم کے فاسٹ بولر نسیم شاہ نے کندھے کی سرجری کے بعد ری ہیب شروع کردیا ہے۔
نسیم شاہ نے جم سیشن کی ویڈیو پوسٹ کردی جس میں دیکھا جاسکتا ہے کہ نسیم شاہ نے سیشن کے دوران کارڈیو اسٹریچنگ کی۔
اپنے پیغام میں فاسٹ بولر کا کہنا تھا کہ میرا ری ہیب بہت اچھا جارہا ہے، ڈاکٹر امتیاز اور ان کی ٹیم کے ساتھ کام کر رہا ہوں اور محنت کر رہا ہوں۔
نسیم شاہ نے کہا کہ اپنے ملک کے لیے دوبارہ کھیلنے اور کرکٹ میں واپسی کے لیے منتظر ہوں۔ یہ سفر مشکل، تنہا اور نہ ختم ہونے والا ہے۔
نسیم نے کہا کہ آپکی دعاؤں کی بدولت میں بہتر محسوس کر رہا ہوں اور دن بہ دن خود کو مضبوط اور فٹ محسوس کر رہا ہوں۔
فاسٹ بولرز نے اپنے پیغام میں یہ بھی کہا کہ جلد آپکو گراؤنڈ میں دکھائی دوں گا۔