ایڈم زمپا نے اپنے خاندان کے ساتھ تاج محل کا دیدارکیا

آگرہ//) آسٹریلوی اسپن گیند باز ایڈم زمپا نے پیر کو اپنی ماں، اہلیہ اور بچے کے ساتھ پوری دنیا میں مشہور تاج محل کا دیدار کیا۔
انہوں نے خاندان کے ساتھ تاج محل میں فوٹو شوٹ کروایا۔ گائیڈ نے انہیں تاج محل کی تاریخ سے آگاہ کیا۔
یہ سب صبح نو بجے کے قریب عام سیاحوں کی طرح یہاں پہنچے۔ شلپگرام میں بھیڑ کی وجہ سے انہیں گولف کارٹ میں سوار ہونے کا انتظار کرنا پڑا۔ ان کے ساتھ والدہ پامیئر، اہلیہ ہیریئٹ اور بیٹا ٹینو بھی تھے۔
آسٹریلوی بولر نے تاج محل کی خوبصورتی کو حیرت انگیز قرار دیا۔ انہوں نے کہا کہ میں نے اس سے زیادہ خوبصورت عمارت نہیں دیکھی۔ یہ واقعی شاندار ہے۔”
زمپا نے شلپگرام سے تاج محل تک گولف کارٹس کے انتظام پر ناراضگی ظاہر کی۔ انہوں نے کہا کہ بھیڑ کے حساب سے زیادہ گولف کارٹس ہونے چاہئیں۔ زمپا کو دیکھ کر بہت سے لوگوں نے ان کے ساتھ سیلفیاں بھی لیں۔ زمپا نے بھی اپنے مداحوں کو مایوس نہیں کیا۔