ورلڈ کپ؛ نیوزی لینڈ نے افغانستان کو 149 رنز سے ہرادیا

چنئی//
آئی سی سی ورلڈ کپ 2023 کے 16 ویں میچ میں نیوزی لینڈ نے افغانستان کو 149 رنز سے ہرادیا۔
نیوزی لینڈ کے 289 رنز کے تعاقب میں افغانستان 34.4 اوورز میں 139 رنز پر ڈھیر ہوگیا۔ افغانستان کے 6 بیٹسمین ڈل فگرز میں بھی داخل نہ ہوسکے جس میں سے دو صفر پر آؤٹ ہوئے۔
نیوزی لینڈ اپنے چاروں میچز جیت کر اب تک ٹورنامنٹ میں ناقابل شکست ہے۔ پوائنٹس ٹیبل میں کیوی ٹیم 8 پوائنٹس کے ساتھ پہلے نمبر پر آگئی ہے۔
چنئی کرکٹ اسٹیڈیم میں کھیلے گئے میچ میں نیوزی لینڈ نے افغانستان کی دعوت پر پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 288 رنز بنائے۔
کیویز کی جانب سے گلین فلپس 71، کپتان ٹام لیتھم 68 اور ول ینگ 54 رنز بنا کر نمایاں رہے۔ ڈیون کانوے 20، راچن رویندرا 32 اور ڈیرل مچل ایک رن بنا کر آؤٹ ہوئے۔
مارک چیپ مین 25 اور مچل سینٹنر 7 رنز بنا کر ناقابلِ شکست پویلین لوٹے۔
افغانستان کی جانب سے نوین الحق اور عظمت عمرزئی نے 2، 2 جبکہ مجیب الرحمان اور راشد خان نے 1، 1 وکٹ حاصل کی۔
نیوزی لینڈ کا اسکواڈ
کپتان ٹام لیتھم، ڈیون کونوے، راچن رویندرا، ڈیرل مچل، گلین فلپس، مارک چیپ مین، جیمی نیشم، مچل سینٹنر، میٹ ہنری، لوکی فرگوسن اور ٹرینٹ بولٹ شامل ہیں۔
افغانستان کا اسکواڈ
کپتان حشمت اللہ شاہدی، رحمان اللہ گرباز، ابراہیم زدران، رحمت شاہ، عظمت اللہ عمرزئی، محمد نبی، اکرام علی خیل، راشد خان، مجیب الرحمان، نوین الحق، فضل الحق فاروقی