دریاوں کو مربوط کرنے سے ہی تلنگانہ کے بنجر علاقوں کو سیراب کیاجاسکتا ہے :کشن ریڈی

حیدرآباد//تلنگانہ بی جے پی کے صدرو مرکزی وزیر سیاحت جی کشن ریڈی نے زوردیتے ہوئے کہا ہے کہ دریاوں کو مربوط کرنا ہی محبوب نگر، نلگنڈہ، میدک اور رنگاریڈی اضلاع کے لئے آبپاشی کے لئے مناسب پانی کی فراہمی کا حل ہے ۔انہوں نے حیدرآباد میں کسانوں کی کانفرنس سے خطاب کرتے ہوئے کہاکہ ہر سال کئی ہزارٹی ایم سی پانی سمندرمیں ضائع ہورہا ہے اور دریاوں کو مربوط کرنے سے ہی ریاست کے بنجر علاقوں کو سیراب کیاجاسکتا ہے ۔انہوں نے الزام لگایا کہ کرشنا واٹرڈسپوٹ ریڈریسل میکانزم میں تاخیرہورہی ہے کیونکہ تلنگانہ حکومت اس مسئلہ پر سپریم کورٹ سے رجوع ہوئی ہے ۔یہ کہتے ہوئے کہ این ڈی اے حکومت نے کسانوں کی بہبود کے لئے بیشتر اقدامات کئے ہیں، انہوں نے مختلف اسکیمات اور پروگراموں کی تفصیلات سے واقف کروایا۔