بجلی کا کرنٹ لگنے سے۳۸سالہ شخص کی موت

سرینگر//
جنوبی کشمیر کے ضلع اننت ناگ کے اچھ بل علاقے میں جمعے کی صبح ایک شخص کی بجلی کا کرنٹ لگنے سے موت واقع ہوئی۔
ذرائع نے بتایا کہ اننت ناگ کے شہلی پورہ اچھ بل میں ایک شخص بجلی کی ایچ ٹی تار کی زد میں آکر شدید زخمی ہوگیا۔
ذرائع نے کہا کہ گرچہ مذکورہ شخص کو فوری طور نزدیکی ہسپتال پہنچایا گیا لیکن وہاں موجود ڈاکٹروں نے اس کو مردہ قرار دیا۔
متوفی کی شناخت سبزار احمد صوفی ولد غلام محمد صوفی ساکن شہلی پورہ کے بطور ہوئی ہے ۔
دریں اثنا پولیس نے اس ضمن میں ایک کیس درج کرکے کارروائی شروع کی ہے ۔