مودی حکومت چین کی دھوکہ دہی کو نہیں پکڑ سکی: کانگریس

نئی دہلی// کانگریس نے جمعہ کو کہا کہ چین کا ایک دھوکہ باز گجرات سے صرف نو دنوں میں 1200 کروڑ روپے لوٹ کر فرار ہو گیا لیکن مودی حکومت اس کا بال بھی بیکا نہیں کرسکی۔
کانگریس کے مواصلاتی سربراہ پون کھیرا نے آج یہاں پارٹی ہیڈکوارٹر میں ایک پریس کانفرنس سے خطاب کرتے ہوئے کہا کہ گجرات میں ‘چینی مداخلت’ہوئی ہے ۔ چین کا ایک شہری گجرات آیا اورنو دن میں لوگوں کو 1400 کروڑ روپے کا چونا لگاکر غائب ہو گیا۔
انہوں نے کہا کہ کمال کی بات یہ ہے کہ دھوکہ دہی کا یہ واقعہ ایسے وقت میں پیش آیا جب وزیر اعظم خود انتخابی مہم کے لیے گجرات گئے ہوئے تھے ۔ فطری طور پر اس دوران وزیر اعظم کے دورے کے موقع پر وہاں حفاظتی انتظامات بڑھا دیئے گئے ہوں گے ، اس کے باوجود ایسا کیا ہوا کہ ‘چینی فراڈ’لوگوں کو دھوکہ دے رہا ہے اور گجرات پولیس اس وقت سوتی رہی۔
ترجمان نے کہا،یہ چینی شخص صرف نو دن تک گجرات میں رہتا ہے اور 1200 لوگوں سے 1400 کروڑ روپے کا چونا لگانے کے بعد خاموشی سے ملک سے فرار ہو جاتا ہے لیکن وزیر اعظم اور وزیر داخلہ امت شاہ اسے روک نہیں سکے ۔ کچھ میڈیا رپورٹس میں یہ بھی کہا گیا ہے کہ یہ ‘ڈینی ڈیٹا ایپ’گھپلہ ہے جس کے ذریعے اس نے 4600 کروڑ روپے تک لوٹے ہیں۔
انہوں نے کہا، مودی حکومت اپوزیشن لیڈروں کو نشانہ بنانے کے لیے سرکاری ایجنسیوں ای ڈی، سی بی آئی، ایس ایف آئی او وغیرہ کا استعمال کرتی ہے لیکن اس نے ان چینی گھپلوں پر آنکھیں بند کر لی ہیں جو ہندوستانیوں کو لوٹ کر خاموشی سے ملک سے فرار ہو جاتے ہیں۔ دراصل یہ چینی ایپ ‘دانی ڈیٹا ایپ’ہے اور اسے بی جے پی کی حکومت والی اتر پردیش میں پولیس نے پروموٹ کیا تھا، جس کی وجہ سے لوگوں نے اس فراڈ ایپ پر زیادہ یقین کیا۔
ترجمان نے کہا،و یوآنبی نام کے ایک چینی ٹیکنیکی نے 2020-22 میں ہندوستان میں رہاکیا اور اس نے جعلی فٹ بال بیٹنگ‘دانی ڈیٹا ایپ’بنائی۔ اتر پردیش پولیس نے ڈانی ڈاٹ ایپ کی تشہیر کی جس سے عام لوگوں کا اعتماد میں اضافہ ہوا ہے ۔ سوشل میڈیا پر ایسی کئی تصویریں دستیاب ہیں جن میں یوپی پولیس ‘ڈینی ڈیٹا ایپ’کے زیر اہتمام ‘لو ڈونیشن’بینر کے ساتھ پوز دے رہی ہے ۔
انہوں نے کہا، گجرات کی سی آئی ڈی کے مطابق، چین کے شین زین علاقے کا مبینہ رہائشی یوآن بی فٹبال کھیلوں کے شوقین رکھنے والے 15 سے 75 سال کی عمر کے لوگوں کو نشانہ بنا کر روزانہ اوسطاً 200 کروڑ روپے ہتھیانے میں کامیاب رہا۔ اس کی دھوکہ دہی کے شکار لاتعداد لوگ ہوئے ۔ دسمبر 2022 تک، گجرات پولیس کو دھوکہ دہی کے شکار لوگوں سے 1,088 شکایات اور ہیلپ لائن 1930 پر 3,600 سے زیادہ شکایات ملی تھیں۔