پرویڈنس//
نکولس پورن کی شاندار بیٹنگ کی بدولت ویسٹ انڈیز نے دوسرے ٹی ٹوئنٹی میں بھی بھارت کو ہرا دیا۔
بھارتی ٹیم 7 وکٹ پر 152 رنز بنا سکی، ہوم ٹیم نے ہدف 8 وکٹ پر سات گیندوں پہلے حاصل کر لیا، پانچ میچز کی سیریز میں ویسٹ انڈیز کو دو صفر کی برتری مل گئی۔
پرویڈنس میں کھیلے گئے میچ میں بھارتی بیٹنگ لائن شروع ہی سے مشکل میں رہی، 18 رنز پر 2 وکٹیں گر گئیں، پھر تلک ورما نے 51 رنز کی اچھی اننگز کھیلی، دوسری جانب سے پانڈیا نے 24 رنز بنائے۔
بھارت کا اسکور 7 وکٹ پر 152 رنز رہا، عقیل حسین، الزاری جوزف اور روماریو شیفرڈ نے دو دو وکٹیں حاصل کیں۔
ہدف کے تعاقب میں ویسٹ انڈیز کی 2 وکٹیں پہلے ہی اوور میں گر گئیں، لیکن نکولس پورن اس موقع پر ڈٹ گئے، انہوں نے 4 چھکے اور 6 چوکے لگائے اور 40 گیندوں پر 67 رنز کی شاندار اننگز کھیلی.
پاول نے 21 اور ہیٹ مائر 22 نے رنز بنائے، آخری میں عقیل حسین نے 16 اور الزاری جوزف نے 10 رنز کی ناقابل شکست اننگز کھیل کر ویسٹ انڈیز کو دو وکٹ سے فتح دلا دی۔
