سرینگر//
پولیس نے جموں کشمیر کے بارہمولہ ضلع میں منشیات کے اسمگلر کے زیر تعمیر مکان کو منسلک اور ایک دوسرے کی گاڑی کو ضبط کیا ہے۔
پولیس نے بتایا کہ۲۷جون۲۰۲۳ کو بارہمولہ پولیس نے مجاز حکام سے قانونی منظوری حاصل کرنے کے بعد میاں محلہ پٹن میں۱۰مرلہ اراضی پر ایک زیر تعمیر مکان منسلک کیا جس کا تعلق ایک منشیات کے سمگلر ‘برکت علی میاں کے نام سے ہے۔
مذکورہ مکان تھانہ پٹن کے مقدمہ ایف آئی آر نمبر۸۴/۲۰۲۳ کے تحت۸/۲۲؍این ڈی پی ایس ایکٹ سے منسلک تھا۔
اسی طرح بارہمولہ پولیس نے مجاز حکام سے قانونی منظوری حاصل کرنے کے بعد کلانترا پائین کے عبدالرحمن ملک کی گاڑی ہنڈائی آئی ٹن والی رجسٹریشن بھی منسلک کی۔
مذکورہ گاڑی کیس ایف آئی آر نمبر۳۳/۲۰۲۳ کے تحت۸/۲۰/ ۲۹؍ این ڈی پی ایس ایکٹ پولیس اسٹیشن کریری سے منسلک تھی۔
تحقیقات سے ثابت ہوا کہ مذکورہ منقولہ/ غیر منقولہ جائیدادیں منشیات کے اسمگلروں کی جانب سے غیر قانونی اسمگلنگ سے حاصل کی گئیں۔