مودی کو لوک مانیہ تلک نیشنل ایوارڈ سے نوازا گیا

پونے//) مجاہد آزادی بال گنگادھر تلک کی 103 ویں برسی کے موقع پر منگل کو وزیر اعظم نریندر مودی کو یہاں لوک مانیہ تلک قومی ایوارڈ سے نوازا گیا۔
مسٹرمودی نے یہاں ایس پی کالج میں منعقدہ ایک تقریب میں نیشنلسٹ کانگریس پارٹی کے سپریمو شرد پوار کی موجودگی میں یہ ایوارڈ وصول کیا۔
اس موقع پر خطاب کرتے ہوئے وزیر اعظم نے کہا، ”میں بہت خوش قسمت ہوں کہ مجھے لوک مانیہ تلک ایوارڈ سے نوازا گیا، جنہوں نے ملک کی آزادی کے لیے اپنی پوری زندگی قربان کر دی۔ میں اس لئے بھی خوش قسمت ہوں کہ مجھے یہ باوقار ایوارڈ حاصل کرنے کے لیے پونے کی اس مقدس سرزمین پر آنے کا موقع ملا۔
انہوں نے کہا کہ یہ میری زندگی کا ناقابل فراموش تجربہ ہے ۔ جب کوئی ایوارڈ ملتا ہے تو اس شخص کی ذمہ داری بھی بڑھ جاتی ہے ۔ میں یہ ایوارڈ 140 کروڑ ہم وطنوں کو وقف کرتا ہوں۔ میں نے اس ایوارڈ کی رقم "نمامی گنگا پروجیکٹ” کو عطیہ کرنے کا فیصلہ کیا ہے ، جس کا نام ‘بال گنگا دھر تلک’ ہی ہے ۔
قبل ازیں، مسٹر مودی کے پروگرام کی جگہ پر پہنچنے پر ان کا پنیری پگڑی پہنا کر استقبال کیا گیا۔
پروگرام کے دوران ایک دلچسپ حقیقت یہ تھی کہ کچھ ممبران پارلیمنٹ کی مخالفت کے باوجود مسٹر پوار نے ایوارڈ تقریب کے دوران وزیر اعظم کے ساتھ اسٹیج بھی شیئر کیا۔
دوسری جانب منی پور تشدد پر کانگریس کارکنوں اور کچھ دیگر تنظیموں نے منڈئی علاقے میں وزیر اعظم کے خلاف احتجاج کیا۔ ایم ایل اے رویندر ڈھانگیکر سمیت کانگریس پارٹی کے تقریباً 20 کارکنوں کو پولیس نے اس وقت حراست میں لے لیا جب انہوں نے منڈائی کیمپس میں مسٹر مودی کے خلاف نعرے لگائے ۔