کمنز اور مرفی نے آسٹریلیا کو برتری دلائی

لندن// کپتان پیٹ کمنز (36) اور ٹوڈ مرفی (34) کی جرات مندانہ اننگز کی بدولت آسٹریلیا نے پانچویں ٹیسٹ کے دوسرے دن جمعہ کو انگلینڈ کے خلاف پہلی اننگز میں 12 رن کی اہم برتری حاصل کرلی۔
کمنز اور مرفی کی جوڑی نے مہمان باؤلرز کا ڈٹ کر مقابلہ کیا جس کی وجہ سے آسٹریلیا پہلی اننگز میں 295 رن بنانے میں کامیاب رہا۔
کمنز ایک سرے پر دفاعی کرکٹ کھیل رہے تھے، جب کہ دوسرے سرے پر ٹوڈ ڈھیلی گیندوں پر رن بنانے میں کوتاہی نہیں برت رہے تھے۔ دن کے کھیل کے آخری لمحات میں کرس بوکس نے ٹوڈ کو ایل بی ڈبلیو آؤٹ کرکے شراکت توڑی جب کہ اگلے ہی اوور میں کمنز جو روٹ کا شکار بن گئے۔ آسٹریلیا کی اننگز ختم ہونے پر امپائروں نے دن کا کھیل ختم کرنے کا اعلان کر دیا۔
اسٹیون اسمتھ (71) کی نصف سنچری اننگز آج کے کھیل کی خاص بات بنی۔ اسمتھ نے 225 منٹ تک کریز پر رہ کر انگلینڈ کے گیند بازوں کی جم کر کلاس لی۔ اس سے قبل عثمان خواجہ (47) اور ڈیوڈ وارنر (24) نے عمدہ آغاز کیا۔ انگلینڈ کی جانب سے کرس ووکس (61 رن کے عوض تین وکٹیں) سب سے کامیاب بولر رہے جب کہ جوئے روٹ، مارک ووڈ اور اسٹورٹ براڈ نے دو دو وکٹیں حاصل کیں۔