این آئی اے کورٹ کا دو سرگرم جنگجووں کے خلاف اعلانیہ حکم جاری

سرینگر//
کولگام کی این آئی اے عدالت نے دو سرگرم جنگجوؤں کے خلاف سی آر پی سی کی سیکشن۸۲کے تحت اعلانیہ حکم جاری کیا ہے ۔
پولیس کا کہنا ہے کہ سٹیٹ انوسٹی گیشن یونٹ (ایس آئی یو)کی درخواست پر این آئی اے کورٹ کولگام نے سرگرم ملی ٹینٹ یاور بشیر ڈار ولد بشیر احمد ڈار ساکن ریڈونی بالا اور عرفان یعقوب لون ولد محمد یعقوب لون ساکن ہاوورا جو مختلف دہشت گرد سرگرمیوں میں ملوث ہے کے خلاف اعلانیہ حکم جاری کیا۔
مذکورہ ملی ٹینٹوں کے خلاف ایف آئی آر زیر نمبر۲۰۲۲/۵۱زیر دفعات۳۸/۲۰/۱۸/۱۶ یو اے پی اے کے تحت کیموہ پولیس تھانے میں کیس درج ہے ۔انہوں نے بتایا کہ اعلانیہ حکم جاری کرنے سے قبل معزز عدالت نے پہلے ہی ان ملی ٹینٹوں کے خلاف غیر ضمانتی وارنٹ جاری کی ہے ۔انہوں نے مزید کہاکہ متعلقہ پولیس نے ان کے آبائی علاقوں اور اہم جگہوں پر اعلانیہ چسپاں کیا ۔
ترجمان کے مطابق مذکورہ ملی ٹینٹوں کے خلاف قانون کے تحت مزید کارروائی شروع کرنے سے پہلے معزز عدالت نے انہیں۱۵ستمبر۲۰۲۳تک یا اس سے پہلے عدالت یا تفتیشی ایجنسی یا پولیس اسٹیشن کے سامنے ہتھیار ڈالنے کا موقع دیا ہے ۔
ایس آئی یو کشمیرکی ٹیمیں مقامی پولیس اور مجسٹریٹ کی موجودگی میں ان کے آبائی گاوں گئے اور ایس او پیز پر عملدآمد کے بیچ کارروائی عمل میں لائی گئی۔