چیف سیکریٹر ی کا آزادی کا امرت مہوتسو کی تکمیل کی یاد میں محکمہ اطلاعات کے کئی مقابلوں کا آغاز

سرینگر//
گزشتہ ایک سال سے جاری آزادی کا امرت مہوتسو (اے کے اے ایم) کے عظیم الشان فائنل کو منانے کے لیے چیف سکریٹری ڈاکٹر ارون کمار مہتا نے آج محکمہ اطلاعات اور تعلقات عامہ (ڈی آئی پی آر) کے زیر اہتمام ویب پورٹل پر کئی مقابلوں کا آغاز کیا۔
ان مقابلوں میں قومی ترانہ گانا، سیلفی ود ترنگا مقابلہ‘اپنا پسندیدہ فریڈم فائٹر مقابلہ ‘ہندوستانی آزادی کے۱۰۰ سال‘ کے موضوع پر مضمون نویسی کا مقابلہ اس کے علاوہ بدلتا جموں کشمیر فوٹوگرافی اور ویڈیو گرافی کا مقابلہ شامل ہے۔
ان مقابلوں کے آغاز کے دوران چیف سیکرٹری نے ڈی آئی پی آر کے نئے لوگو کی نقاب کشائی بھی کی جو کہ ابھرتی ہوئی ٹیکنالوجیز اور دیگر متعلقہ پیشرفت کے عصری دور میں محکمہ کے وڑن اور اقدار کی نمائندگی کرتا ہے۔
کمشنر سکریٹری، اطلاعات، پریرنا پوری‘ ڈائریکٹر انفارمیشن، منگا شیرپا؛ اس موقع پر ڈی آئی پی آر کے جوائنٹ ڈائریکٹرز، ڈپٹی ڈائریکٹرز اور محکمہ کے دیگر افسران موجود تھے۔
لانچنگ تقریب کے بعد افسران سے خطاب کرتے ہوئے، ڈاکٹر مہتا نے ان مقابلوں کو شروع کرنے کے لیے ڈی آئی پی آر کی ستائش کی جن کا مقصد آزادی کے جذبے کو منانا اور شہریوں میں حب الوطنی اور اتحاد کے جذبات کو فروغ دینا ہے۔ انہوں نے کہا’’یہ مقابلے تمام شہریوں کو ہمارے ملک کی غیر معمولی ترقی کی خوشی میں شامل کرنے اور ہمارے آباؤ اجداد کی قربانیوں کو یاد کرنے کا ایک بہترین طریقہ ہے‘‘۔
چیف سکریٹری نے افسران سے کہا کہ وہ ان مقابلوں میں گاؤں کی’مٹی کے ساتھ سیلفی‘ جس میں مٹی کا دیا’ ہاتھ میں ہے‘ اور ساتھ ہی پنچایتوں کی مٹی یاترا کو بھی ان مقابلوں میں شامل کریں جو’میری مٹی میرا دیش‘ مہم کے بنیادی موضوعات ہیں۔ انہوں نے انہیں یہ بھی ہدایت دی کہ ہر پنچایت میں شیلافلکم کے قیام کے پروگرام، ویروں کی قربانیوں اور شراکت کو بھی محکمہ کے ذریعہ وسیع پیمانے پر تشہیر اور مقبولیت دی جائے تاکہ یو ٹی کے شہریوں میں قوم پرستی کا جذبہ پیدا کیا جا سکے۔
اس بات پر روشنی ڈالتے ہوئے کہ ڈی آئی پی آر کے ذریعہ تصور کردہ تھیم ’بدلتا جموں کشمیر‘ بہت مناسب اور بروقت ہے ‘ڈاکٹر مہتا نے لوگوں سے کہا کہ وہ ان موضوعات کے تحت فوٹوگرافی اور ویڈیو گرافی کے مقابلوں میں جوش و خروش سے حصہ لیں جو جموں و کشمیر میں نئے تناظر کی عکاسی کرتے ہیں۔ انہوں نے افسران سے کہا کہ ان مقابلوں میں حصہ لینے والوں سے کہا جائے کہ وہ تصویروں اور ویڈیوز کے ذریعے ترقی کے ساتھ ساتھ جموں و کشمیر میں گزشتہ دو سالوں سے دیگر سماجی شعبوں میں ہونے والی نمایاں تبدیلیوں کو ریکارڈ کریں۔
لانچنگ تقریب کے دوران کمشنر سکریٹری اطلاعات پریرنا پوری نے چیف سکریٹری کو ان مقابلوں کی میزبانی کے بنیادی مقاصد سے آگاہ کیا۔ انہوں نے اس بات پر روشنی ڈالی کہ ان مقابلوں کا مقصد شرکاء میں حب الوطنی اور مادر وطن پر فخر کا جذبہ پیدا کرنا ہے اور اس کے ساتھ ساتھ ان عظیم ثقافتی اقدار سے وابستگی کا جذبہ بھی پیدا کرنا ہے جن کی قوم طویل عرصے سے قدر کرتی ہے۔
پوری نے کہا کہ ان تمام تقریبات کا مقصد یو ٹی کے تمام شہریوں کو اپنی تخلیقی صلاحیتوں کو قوم سے اپنی محبت کے اظہار میں استعمال کرنے کا ایک اچھا موقع فراہم کرنا ہے۔ انہوں نے جموں و کشمیر کے تمام باشندوں کی حوصلہ افزائی کی کہ وہ ان مقابلوں میں بڑے جوش و خروش کے ساتھ حصہ لیں اور تاریخ کا حصہ بنیں کیونکہ قوم اپنی آزادی کے ۷۵سال کا جشن منا رہی ہے۔