نئی دہلی// فرانس کے صدر کے سفارتی مشیر ایمانوئل بون نے آج یہاں قومی سلامتی کے مشیر اجیت ڈوبھال سے ملاقات کی اور وزیر اعظم نریندر مودی کے آئندہ فرانس کے دورے کی تیاریوں پر تبادلہ خیال کیا۔
سرکاری ذرائع کے مطابق میٹنگ کا ایجنڈا ہندوستان اور فرانس کے درمیان اسٹریٹجک ڈائیلاگ کو تسلسل فراہم کرنا اور اس تناظر میں وزیر اعظم نریندر مودی کے آئندہ دورہ فرانس کے پروگرام کو حتمی شکل دینا تھا۔
مسٹر مودی کا دورہ فرانس اس لحاظ سے خاص ہے کہ صدر ایمانوئل میکرون کے دور میں پہلی بار کسی غیر ملکی لیڈر کو باسٹل پریڈ میں شرکت کی دعوت دی گئی ہے ۔ پریڈ میں ہندوستانی دستے مارچ کریں گے اور ہندوستانی فضائیہ کو موصول ہونے والے رافیل طیارے فلائی پاسٹ میں حصہ لیں گے ۔
ہندوستان اور فرانس دفاع، خلائی اور جوہری توانائی کے شعبوں میں دنیا کے بڑے شراکت دار ہیں۔