سنجواں جھڑپ میںجاں بحق اے ایس آئی کو لیفٹیننٹ گورنر کا خراج

سرینگر//
جموںکشمیر کے لیفٹیننٹ گورنر منوج سنہا نے سنجوان جموں میں انکاؤنٹر کے دوران جان بحق ہونے والے سینٹرل انڈسٹریل سیکورٹی فورس( سی آئی ایس ایف) کے اسسٹنٹ سب انسپکٹر کو خراج عقیدت پیش کیا ہے ۔
بتادیں کہ سنجوان جموں میں جمعے کی صبح ایک انکاؤنٹر کے دوران جیش محمد سے وابستہ دو جنگجو مارے گئے جبکہ سی آئی ایس ایف کے ایک اسسٹنٹ سب انسپکٹر ایس پی پاٹل جان بحق اور دو دیگر اہلکار زخمی ہوگئے ۔
لیفٹیننٹ گورنر نے اپنے ایک ٹویٹ میں جاں بحق افسر کو خراج عقیدت پیش کرتے ہوئے کہا’میں بھارت کے اس بہادر بیٹے اور سی آئی ایس ایف کے اسسٹنٹ سب انسپکٹر ایس پی پاٹل کو سلام پیش کرتا ہوں جس نے سجواں جموں میں دہشت گردی کا مقابلہ کرنے کے دوران عظیم قربانی پیش کی‘۔
سنہانے ٹویٹ میں مزید کہا’’ان کی بہادری کو فراموش نہیں کیا جائے گا اور ہم پسماندگان کے ساتھ اظہار ہمدردی اور زخمیوں کی جلد صحت یابی کی دعا کرتے ہیں۔‘‘