ہانگ کانگ//ویمنز ایمرجنگ ایشیاکپ میں پاکستان اور ہندوستان کا میچ بارش کے باعث منسوخ کردیا گیا۔
اے سی سی ویمنز ایمرجنگ ایشیا کپ 2023 میں ہانگ کانگ کے ٹن کونگ روڈ ریکریشن گراؤنڈ میں آج پاکستان اور ہندوستان کے درمیان مقابلہ ہوتا تاہم اس میچ کو بارش کی وجہ سے منسوخ کردیا۔
میچ منسوخ ہونے پر دونوں ٹیمیوں کو 1 1 پوائنٹ مل گیا، گرین شرٹس چار پوائنٹس کی بنیاد پرسیمی فائنل میں جگہ بنالی جبکہ بھارتی ٹیم پوائنٹس ٹیبل پر سرفہرست ہے۔
19 جون کو ویمن ایمرجنگ ایشیا کپ میں پاکستان کا سیمی فائنل میں مقابلہ بنگلادیش سے ہوگا جبکہ ہندوستانی ٹیم سیمی فائنل میں سری لنکا سے ٹکرائے گی۔
مسلسل بارش کی وجہ سے سیمی فائنل کے لیے ایک مخصوص دن (20 جون) رکھا گیا ہے اس ٹورنامنٹ کا فائنل 21 جون بروز بدھ کو ہوگا۔
