سرینگر/
جموںکشمیر کی گرمائی راجدھانی سری نگر کے راج باغ علاقے میں ایک غیر مقامی نوجوان کی لاش برآمد کی گئی ۔
ذرائع نے بتایا کہ پیر کی صبح راج باغ سری نگر میں غیر مقامی شہری کو بے ہوش پایا گیا چنانچہ چند مقامی افراد نے اسے علاج ومعالجہ کی خاطر نزدیکی ہسپتال پہنچایا جہاں پر تعینات ڈاکٹروں نے سے مردہ قرار دیا۔
متوفی کی شناخت ارون کمار ولد سشیل کمار ساکن رانچی جار کھنڈ کے بطور کی گئی ہے ۔
پولیس نے اس ضمن میں کیس درج کرکے تحقیقات شروع کی۔
دریں اثناجموں کے راجیو نگر علاقے میں نوجوان کی لاش پرا سرار حالت میں برآمد کی گئی۔
اطلاعات کے مطابق پیر کے روز جموں کے راجیو نگر علاقے میں چند مقامی افراد نے نوجوان کی لاش دیکھی اور اس بارے میں پولیس کو آگاہ کیا۔
پولیس ٹیم جائے موقع پر پہنچی اور لاش کو تحویل میں لے کر اس کی شناخت کیلئے کارروائی شروع کی۔
دریں اثنا پولیس نے اس ضمن میں کیس درج کرکے مزید تحقیقات شروع کی۔