حسینہ نے امریکی ویزا پابندیوں کی مذمت کی

ڈھاکہ//
بنگلہ دیش کی وزیر اعظم شیخ حسینہ نے ملک کے شہریوں کے لیے حالیہ امریکی ویزا پابندی کوجمہوری انتخابی عمل کو نقصان پہنچانے والا قراردیتے ہوئے اس مذمت کی ہے۔محترمہ حسینہ نے ہفتہ کو کہا،’ہم دوسروں پر انحصار نہیں کریں گے۔ اس بات کی فکر کرنے کا کوئی فائدہ نہیں کہ کون ہمیں ویزہ نہیں دے گا یا کون پابندیاں لگائے گا۔
انہوں نے حال ہی میں یہ واضح کردیا ہے کہ بنگلہ دیش میں اگلا عام انتخابات ان کی عوامی لیگ حکومت کی قیادت میں ہوگا۔ عوامی لیگ کی نظریں 2024 کے اوائل میں ہونے والے انتخابات میں مسلسل چوتھی جیت پرہے۔
غورطلب ہے کہ امریکی وزیر خارجہ انٹونی بلنکن نے 24 مئی کو ایک بیان میں کہا تھا کہ بنگلہ دیش میں آزادانہ، منصفانہ اور پرامن قومی انتخابات کی حمایت کے لیے پالیسی بنائی گئی تھی۔ نئی پالیسی کے دائرے میں آنے والے لوگوں کی ایک وسیع رینج میں موجودہ اور سابق بنگلہ دیشی حکام، حکوسمت کے حامی اور اپوزیشن سیاسی جماعتوں کے ارکان، قانون نافذ کرنے والے اداروں، عدلیہ اور سیکورٹی سروسز کے ارکان شامل ہیں۔