سنک بائیڈن سے اپیل کرسکتے ہیں کہ وہ ناٹو کے سربراہ کے عہدے کیلئے والیس کی حمایت کریں

لندن//
برطانوی وزیر اعظم رشی سنک امریکہ کے اپنے آئندہ دورے کے دوران امریکی صدر جو بائیڈن سے ناٹو سیکرٹری جنرل کے عہدے کے لیے برطانوی وزیر دفاع بین والیس کی امیدواری کی حمایت کرنے کی اپیل کرسکتے ہیں۔
ٹیلی گراف نے پیر کو اپنی رپورٹ میں یہ اطلاع دی۔
رپورٹ میں کہا گیا ہے کہ جاپان کے ہیروشیما میں جی 7 رہنماؤں کی حالیہ میٹنگ کے موقع پرمسٹر سنک نے پہلے ہی اتحاد کے سیکرٹری جنرل کے طور پر والیس کی تقرری کی بات اٹھائی تھی۔
رپورٹ میں کہا گیا ہے کہ والیس امریکی حکومت میں یوکرین کی حمایت کرنے کے لیے ایک بین الاقوامی اتحاد بنانے کے اپنے مرکزی رول کے ساتھ ساتھ جی ڈی پی کے 2.52فیصد تک ملک کے دفاعی اخراجات میں اضافی کی وجہ کافی مقبول ہیں۔
واضح رہے کہ رپورٹ کے مطابق ناٹو کے سیکرٹری جنرل کے عہدے کے لیے والیس کی امیدواری کو فرانس اور جرمنی کی حمایت نہیں ملے گی۔ اس کے علاوہ ناٹو کے کئی رکن ممالک ڈنمارک کے وزیر اعظم میٹے فریڈرکسن کی امیدواری کی حمایت کر سکتے ہیں۔
ناٹو کے موجودہ سیکریٹری جنرل جینز اسٹولٹن برگ نے یکم اکتوبر 2022 کو استعفیٰ دینا تھا لیکن اسی سال مارچ میں ناٹو کے رکن ممالک کے رہنماؤں نے ان کے مینڈیٹ کو 30 ستمبر 2023 تک بڑھانے کا فیصلہ کیا۔