سرینگر//
سرینگر کے بٹہ مالو علاقے میں منگل کو نامعلوم افراد نے ایک شخص کو چاقو مار کر ہلاک کر دیا۔
ایک رپورٹ کے مطابق، منگل کی شام سرینگر میں ڈار آئرن ٹریڈرز کے نزدیک بائی پاس بٹہ مالو میں مومن آباد کے رہائشی ۴۵ سالہ اعجاز احمد بھٹ کے نام سے ایک شخص پر کچھ نامعلوم افراد نے حملہ کیا، جس سے وہ شدید زخمی ہو گیا۔
اسے سکمز بمنہ منتقل کیا گیا جہاں پہنچنے پر ڈاکٹروں نے اسے مردہ قرار دے دیا۔
سکمز بمنہ کے پرنسپل‘ ڈاکٹر عرفان نے ایک مقامی خبر رساں ایجنسی کو بتایا کہ اس شخص کو مردہ حالت میں ہسپتال لایا گیا تھا۔
پولیس نے واقعہ کا نوٹس لیتے ہوئے تفتیش شروع کر دی ہے۔