سرینگر//
حکومت جموںوکشمیر نے خطے کے دیگر آبی ذخائر کے علاوہ ڈل او رنگین جھیلوں میں شکارا کشتیوں کے لئے ’’ زندگی بچانے والی جیکٹوں‘‘ کو لازمی قرار دیا ہے۔
اِس سلسلے میں آج یہاں جاری ایک حکمنامے میں کہا گیا ہے ’’ ڈل اور نگین جھیلوں اور دیگر آبی ذخائر میں شکارا سواری کرنے والے سیاحوں کی حفاظت کو یقینی بنانے اور موسم کی خرابی یا کسی اور وجہ کے پیش نظر کسی بھی ناخوشگوار واقعے کو روکنے کے لئے یہ حکم دیا گیا ہے‘‘ ۔
اِس میں مزیدکہا گیا ہے’’ جموںوکشمیر ٹورازم پالیسی کے رہنما خطوط میںواضح ہے کہ جموںوکشمیر ٹورسٹ ٹریڈ ایکٹ ۱۹۷۸کے تحت رجسٹرڈ ہر شکارا کشتی ہر وقت کشتی میں تجویز کردہ معیار اور وضاحتوں کی کم از کم تین لائف سیونگ جیکٹس کی دستیابی کو برقرار رکھے گی ۔ناکامی کی صورت میں مذکورہ ایکٹ کے تحت رجسٹریشن منسوخ کی جائے گی ۔‘‘
یاد رہے کہ حالیہ دنوں میں کم از کم دو بار ڈل میں تیز ہوائیںچلنے کے دوران کم از کم دو درجن سیاحوں کو بچا لیا گیا۔