سرینگر//
شمالی کشمیر کے ضلع کپوارہ کے چندی گام لولاب علاقے میں ہفتے کی صبح آگ کی ایک واردات میں ایک دارالعلوم کی عمارت کو نقصان پہنچا۔
ذرائع نے بتایا کہ کپوارہ کے چندی گام لولاب میں ہفتے کی صبح قریب۷بجے’خیر الدرسین‘نامی ایک دارالعلوم کی عمارت میں آگ نمودار ہوئی۔
مقامی لوگوں کے مطابق گرچہ آگ کو جلد بجھانے کی کوشش کی گئی تاہم عمارت کو کافی حد تک نقصان پہنچا۔ان کا کہنا تھا کہ آگ سے دارالعلوم میں کتابوں کو نقصان پہنچا تاہم کسی جانی نقصان کی کوئی اطلاع نہیں ہے ۔
دریں اثنا پولیس نے اس ضمن میں ایک کیس درج کرکے تحقیقات شروع کی ہے۔
پولیس کا کہنا ہے کہ آگ لگنے کی وجوہات معلوم کی جا رہی ہیں تاہم ابتدائی تحقیقات کے مطابق شارٹ سرکٹ اس واردات وجہ ہے ۔
