ترال کا شہری مکہ میں عمرہ کی ادائیگی فوت کے دوران فوت

سرینگر//
مرکز کے زیر انتظام خطہ جموں کشمیر کے امیر آباد، ترال سے تعلق رکھنے والے ایک معمر شہری محمد سلطان نائک عمرہ کی آدائیگی کے دوران ہفتہ کو مقدس شہر مکہ معظمہ میں انتقال کر گئے۔
مرحوم کے اہل خانہ نے نائک کی موت کی تصدیق کی۔ متوفی کے اہل خانہ نے بتایا کہ محمد سلطان نائک دو ہفتہ قبل عمرہ کی آدائیگی کے لیے حجاز مقدس روانہ ہوئے اور گزشتہ کل مختصر علالت کے بعد ان کو اگرچہ وہاں کے ایک مقامی اسپتال میں بھرتی کرایا گیا تاہم وہ وہاں جانبر نہ ہو سکے۔
سفر محمود کے دوران نائک کے انتقال کی خبر عام ہوتے ہی مرحوم کے آبائی گاؤں امیرآباد، ترال میں صف ماتم بچھ گئی اور لوگ جوق در جوق مرحوم کے گھر پہنچے اور لواحقین کے ساتھ تعزیت کا اظہار کیا۔ لوگوں نے مرحوم کے حق میں دعائے مغفرت بھی کی۔
سماج کے مختلف شعبہ ہائے فکر سے تعلق رکھنے والے افراد نے نائک کے موت پر گہرے رنج کا اظہار کرتے ہوئے کہا: ’’موحوم ایک بہتر اور نیک دل انسان کے طور پر ہمیشہ یاد کیے جائیں گے۔‘‘
واضح رہے کہ اس سے قبل بھی ترال کے ہی ایک گاؤں ڈاڈسرہ سے تعلق رکھنے والے ایک عازم عبد الخالق میر بھی رواں برس عمرہ کی ادئیگی کے دوران مکہ مکرمہ میں انتقال کر گئے تھے۔ عبدالخالق محکمہ مال میں اپنی خدمات انجام دے چکے تھے اور بطور پٹواری ریٹائر ہوئے تھے۔