سرینگر//
جنوبی کشمیر کے ضلع اننت ناگ کے آنچی ڈورہ علاقے میں منگل کی شام ایک نوجوان نے مبینہ طور پر پھانسی لگا کر خودکشی کر لی۔
سرکاری ذرائع نے ایک مقامی خبر رساں ایجنسی کو بتایا کہ ایک نوجوان (نام ظاہر نہیں کیا گیا) جو آنچی ڈورہ اننت ناگ کا رہنے والا ہے، نے آج شام اپنے گھر میں مبینہ طور پر پھانسی لگا لی۔
ذرائع نے بتایا کہ اس کے گھر والے اسے فوری طور پر قریبی اسپتال لے گئے جہاں پہنچنے پر ڈاکٹروں نے اسے مردہ قرار دے دیا۔
دریں اثناء پولیس نے واقعہ کا نوٹس لیتے ہوئے مقدمہ درج کر لیا ہے جبکہ مزید تحقیقات بھی شروع کر دی گئی ہے۔