سرینگر/جموں/۲۳مئی
یونین پبلک سروس کمیشن (UPSC) نے آج سول سروسز 2022 کے نتائج کا اعلان کیا ہے اور مختلف زمروں سے کل 933 امیدواروں کی سفارش کی گئی ہے۔
جنوبی کشمیر(اننت ناگ) کے وسیم احمد بھٹ اورجموں کی پرسن جیت کور نے آل انڈیا درجہ بندی میں بالترتیب 7 واں اور 11 واں مقام حاصل کیا ہے۔
اننت ناگ ضلع سے تعلق رکھنے والے وسیم احمد بٹ نے 7 واں رینک حاصل کیا ہے۔
بھٹ نے کہا کہ یو پی ایس سی کے تئیں ان کی محنت اور لگن انتہائی نتیجہ خیز ثابت ہوئی ہے۔ انہوں نے کہا کہ میں اپنی کارکردگی سے بہت خوش ہوں۔
24 سالہ بھٹ نے یہ بھی کہا کہ یہ کارنامہ ان تمام لوگوں کے لیے وقف ہے جنہوں نے ان کی غیر مشروط حمایت کی۔انہوں نے نیشنل انسٹی ٹیوٹ آف ٹیکنالوجی سری نگر سے سول انجینئر میں بی ٹیک کیا ہے۔
2021 میں، بھٹ نے UPSC سول سروسز کے امتحان میں مجموعی طور پر 225 نمبر حاصل کیے تھے۔