تہران میں آتشزدگی سے 17 افراد جھلسے

تہران/۲۱؍مئی
ایران کے دارالحکومت تہران میں ہفتہ کو راجی اسکوائر کے قریب آگ لگنے سے کم از کم 17 افراد جھلس گئے۔ایرانین اسٹوڈنٹ نیوزایجنسی (آئی ایس این اے) نے یہ اطلاع دی ہے۔ آئی ایس این اے نے تہران کے میڈیکل ایمرجنسی آرگنائزیشن کے سربراہ محمد اسماعیل تواکولی کے حوالے سے اپنی رپورٹ میں کہا ہے کہ آگ صبح کے وقت ایک گودام میں لگی۔ انہوں نے بتایا کہ چھ ایمبولینس، پانچ موٹر لانس اور ایک ایمبولینس بس کو موقع پر بھیجا گیا۔مسٹر تاواکولی نے بتایا کہ زخمیوں میں دو فائر فائٹرز اور کئی راہگیر شامل ہیں، جن میں سے آٹھ کو علاج کے لیے طبی مراکز میں داخل کرایا گیا ہے۔
تہران کے فائر ڈپارٹمنٹ کے ترجمان جلال مالکی نے بتایا کہ گودام کو گزشتہ ایرانی کیلنڈر سال کے دوران پانچ حفاظتی انتباہات موصول ہوئے تھے، جو 20 مارچ کو ختم ہوئے تھے۔