پلوامہ میں نجی کوچنگ مراکز میں پڑھانے پر ۲ سرکاری اساتذہ معطل

پلوامہ//
چیف ایجوکیشن آفیسر (سی ای او) پلوامہ نے ایک پرائیویٹ کوچنگ سنٹر میں پڑھانے والے دو سرکاری اساتذہ کو معطل کرنے کا حکم دیا ہے۔
چیف ایجوکیشن آفیسر کے جاری کردہ حکم کے مطابق’’باقاعدہ آن لائن/آف لائن شکایات کے مطابق اور نامزد مانیٹرنگ ٹیموں کی رپورٹ کے مطابق، دو تدریسی افراد پرائیویٹ میں ملوث پائے گئے۔ ایس سی آئی پلوامہ میں۱۸ مئی کو سروس رولز کے برخلاف کوچنگ اور پریکٹس سے باز رہنے کے لیے محکمہ کی طرف سے بار بار ہدایات دی گئیں‘‘۔
اس میں زمید کہا گیا ہے’’انکوائری زیر التواء ہونے کی وجہ سے، انہیں فوری طور پر معطل کر دیا گیا ہے۔‘‘
حکم کے مطابق ایچ ایس سنگھو نربل میں تعینات ایک استاد کو جی یو پی ایس شادی مرگ میں رپورٹ کرنے کی ہدایت دی گئی ہے جبکہ جی ایچ ایس راجپورہ میں تعینات ایک اور معطل استاد کو ایچ ایس دودیمرگ لورگام میں رپورٹ کرنے کی ہدایت دی گئی ہے۔
’’معطل افراد کو آج تک مثبت طور پر اپنی نئی جگہ پر رپورٹ کرنے کے لیے ان کی ذمہ داریوں سے فارغ کر دیا گیا ہے۔‘‘