مثبت کیسوں میں مزید کمی ،۲۱ نئے کیس سامنے آئے

سرینگر//جموںکشمیر میںپچھلے چوبیس گھنٹوں کے دوران کورونا وائرس کے۲۱نئے مثبت معاملات سامنے آئے ہیں۔اس مدت کے دوران کورونا وائر س سے کوئی تازہ موت درج نہیں کی گئی ہے ۔ایک سرکاری بیان میں کہا گیا ہے کہ مجموعی۲۱ مثبت معاملات میں سے۹کا کشمیراور۱۲کا تعلق جموں صوبے سے ہے۔اِس طرح مثبت معاملات کی کل تعداد۴لاکھ۵۳ہزار۴۰۳تک پہنچ گئی ہے‘جن میں سے۲۸۱(صوبہ جموں میں۱۱۹؍ اور کشمیر صوبے میں۱۶۲)سر گرم معاملات ہیں۔اَب تک۴لاکھ۴۸ہزار۳۷۳؍اَفراد صحت یاب ہوئے ہیں ۔بیان کے مطابق پچھلے چوبیس گھنٹوں کے دوران سرینگر میں۴‘ بارہمولہ میں۳؍اور ضلع کپواڑہ۲نئے معاملات درج کئے گئے۔بڈگام،پلوامہ،اسلام آباد،بانڈی پورہ ،گاندربل ، کولگام اورشوپیان اضلاع سے مثبت معاملات کی کوئی رِپورٹ نہیں ہے۔ اِسی طرح جموں میں۵،ضلع راجوری میں ایک، ضلع ڈوڈہ میں ۲،ضلع کشتواڑ میں۳؍اور ضلع رام بن میں ایک نئے معاملات آج سامنے آئے ہیں ۔اودھمپور ،کٹھوعہ ،سانبہ ، پونچھ اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔بیان میں کہا گیا ہے کہ دونوں صوبوں میں گزشتہ ۲۴ گھنٹوں کے دوران کورونا سے کوئی تازہ موت درج نہیں ہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۴۹تک پہنچ گئی ،جن میں سے ۲۴۲۳کاکشمیر اور۲۳۲۶کاتعلق جموں صوبہ سے ہے۔اِسی دوران آج مزید۳۳؍اَفراد شفایاب ہوئے ہیںجن میںجموں صوبے کے۲۲؍افراداور کشمیر صوبے کے۱۱؍افرادشامل ہیں۔