پولو ویو مارکیٹ لوگوں کے استقبال کیلئے تیار:اطہر

دکاندار بھی مطمئن ‘خریداروں کی تعداد بڑھنے کی امید

سرینگر//
سرینگر کا پولو ویو ہائی سٹریٹ مارکیٹ اپنے نئے انداز اور نئی شکل و صورت کے ساتھ لوگوں کا استقبال کرنے کیلئے تیار ہے۔اس مارکیٹ کو سری نگر سمارٹ سٹی پروجیکٹ کے تحت تیار کیا جا رہا ہے۔
سری نگر میونسپل کارپوریشن کے کمشنر اطہر عامر خان نے ٹویٹ کرکے کہا کہ سری نگر میں ہماری پہلی کلی طور پر راہگیروں کیلئے اور تاروں سے پاک پولو ویو ہائی اسٹریٹ لوگوں کے استقبال کے لئے تیار ہے۔انہوں نے ٹویٹ میں کہا کہ یونیورسل رسائی، علیحدہ زیر زمین سیوریج اور نکاسی آب نیٹ ورک، زیر زمین بجلی اور مواصلاتی لائینز، عمارتوں کے تحفظ اور ورثے کے اگلے حصے میں بہتری اور عوامی سہولیات اس کا حصہ ہیں۔
اطہرکا کہنا تھا کہ ٹریفک کیلئے مارکیٹ کے پچھلے حصے میں ایک نئی سڑک بنائی گئی ہے جو مولانا آزاد روڈ اور رزیڈنسی روڈ کو ملاتی ہے اور مارکیٹ کے عقب میں پارکنگ دستیاب ہے۔انہوں نے یہ یقین دہانی بھی کی کہ علاقے میں پانی جمع ہونے کا مسئلہ پیش نہیں آئے گا۔
دریں اثنا پولو ویو ہائی سٹریٹ کے سوشل میڈیا پر وائرل ہونے والے فوٹو گرافس کو دیکھ کر لوگ محظوظ ہو رہے ہیں۔ان خوبصورت تصویروں کو دیکھ کر لوگ اس مارکیٹ کو دیکھنے کے لئے جانے کا ارادہ کرتے ہیں۔

[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]