شوپیاں میں دو ملی ٹینٹ معاونین کی گرفتاری کا دعویٰ

سرینگر//
جموںکشمیر پولیس نے شوپیاں میں دو ملی ٹینٹ معاونین کو اسلحہ وگولہ بارود اور آئی ای ڈی سمیت دھر دبوچ کر سلاخوں کے پیچھے دھکیل دیا۔
پولیس کے ایک ترجمان نے بتایا کہ۴۴آر آر ‘۱۴ویںبٹالین سی آر پی ایف اور شوپیاں پولیس نے لشکر طیبہ سے وابستہ دو ملی ٹینٹ مدد گاروں کو حراست میں لے لیا۔
ترجمان نے کہاکہ گرفتا رشدگان کی شناخت شاہد احمد لون ولد عبدالرشید لون ساکن چھوٹی پورہ شوپیاں اور وسیم احمد گنائی ولد عبدالحمید گنائی ساکن بہوری ہالن شوپیاں کے بطور ہوئی ہے ۔
پولیس ترجمان کے مطابق ملی ٹینٹ معاونین کے قبضے سے ایک پستول ، ایک پستول میگزین، چار گولیوں کے راونڈ، ایک سلانسر ، ایک آئی ای ڈی، ریمورٹ کنٹرول ، دو بیٹری اور ایک خالی میگزین برآمد کرکے ضبط کیا گیا ہے ۔
یہاں یہ امر قابل ذکر ہے کہ دو مئی کو شوپیاں پولیس نے تنویر احمد وانی نامی ملی ٹینٹ معاون کو حراست میں لے کر اس کے قبضے سے ایک اے کے رائفل، ایک میگزین، دس گولیوں کے راونڈ برآمد کرکے ضبط کئے تھے ۔