شیلانگ میں دو برادریوں کے درمیان لڑائی، 16 افراد گرفتار

شیلانگ//میگھالیہ پولیس نے منی پور میں کوکی اور میتی دونوں برادریوں کے ذات پات کے تشدد کے بعد گروہی لڑائی میں ملوث 16 لوگوں کو گرفتار کیا ہے ۔
ایک پولیس افسر نے آج بتایا کہ لیتمکھرا پولیس اسٹیشن کو جمعرات کی شام 5.30 بجے میزو ماڈرن اسکول کے نزدیک نونگریم ہلز میں دو برادریوں کے درمیان گروپ لڑائی کی اطلاع ملی۔ ایسٹ خاصی ہلز کے ضلعی پولیس سربراہ سلویسٹر نونگ ٹینگر نے بتایا کہ اطلاع ملنے پر پولیس اس علاقے میں پہنچی جہاں ایک برادری کے دو افراد کو دوسری برادری کے لوگ زدوکوب کررہے تھے ۔
صورتحال کو بگڑنے سے روکنے کے لیے مسٹر نونگ ٹینگر نے کہا کہ پولیس نے ضابطہ فوجداری کے سیکشن 107 (سی آر پی سی) کے تحت گڑبڑ پیدا کرنے کے الزام میں دونوں برادریوں کے 16 افراد کو گرفتار کرلیا ہے ۔
میگھالیہ پولیس نے شہر کا امن خراب کرنے والوں کے خلاف سخت کارروائی کا انتباہ دیا ہے ۔