سرینگر//
جنوبی کشمیر کے پادشاہی باغ بجبہاڑہ علاقے میں ملی ٹینٹوں نے سیکورٹی فورسز کی گاڑی پر اندھا دھند فائرنگ کی جس کے نتیجے میں ایک اہلکار زخمی ہوا جس کو علاج ومعالجہ کی خاطر نزدیکی ہسپتال منتقل کیا۔
معلوم ہوا ہے کہ سیکورٹی فورسز نے ایک وسیع علاقے کو محاصرے میں لے کر حملہ آوروں کی بڑے پیمانے پر تلاش شروع کی۔
اطلاعات کے مطابق سخت سیکورٹی کے بیچ جمعرات شام دیر گئے مشتبہ ملی ٹینٹوں نے پادشاہی باغ بجبہاڑہ کے نزدیک ایس او جی گاڑی پر فائرنگ جس کے نتیجے میں ایک اہلکار جس کی شناخت محمد رمضان کے بطور ہوئی ہے زخمی ہوا۔معلوم ہوا ہے کہ زخمی اہلکار کو طبی امداد کی خاطر نزدیکی ہسپتال منتقل کیا گیا جہاں پر اس کی حالت مستحکم بتائی جارہی ہے۔
ذرائع نے بتایا کہ حملے کے بعد سیکورٹی فورسز نے پادشاہی باغ ، زر پورہ ، بجبہاڑہ علاقوں کو محاصرے میں لے کر حملہ آوروں کی بڑے پیمانے پر تلاش شروع کی ہے۔
بتادیں کہ سری نگر میں جی ٹونٹی میٹنگ کے پیش نظر کشمیر میں سیکورٹی کے غیر معمولی انتظامات کئے گئے ہیں۔
جمعرات کے روز سری نگر سمیت وادی کے بیشتر اضلاع میں سیکورٹی فورسز نے ناکوں کا جال بچھایا جہاں پر ہر آنے جانے والے کی باریک بینی سے تلاشی لی جارہی تھی۔