واشنگٹن//
امریکی فوج نے اپنے پائلٹس کو عارضی طور پر گراؤنڈ کردیا۔
غیر ملکی میڈیا کے مطابق امریکی فوج کے سربراہ کی جانب سے یہ فیصلہ حال ہی میں رونما ہونے والے پے درپے حادثات کی وجہ سے کیا گیا ہے جس کے بعد امریکی چیف آف آرمی اسٹاف نے اہم آپریشنز میں حصہ نہ لینے والے پائلٹس کو فوری طور پر گراؤنڈ کرنے کے احکامات جاری کردیے ہیں۔
میڈیا رپورٹس کےمطابق حالیہ چند ہفتوں میں امریکی فوج کے ہیلی کاپٹروں کو پیش آنے والے حادثات اور ان میں ہلاکتوں کی وجہ سے پائلٹس کی مزید مطلوبہ تربیت کا فیصلہ کیا گیا ہے۔
امریکی فوج کے ترجمان کا کہنا ہےکہ روٹین کے ائیرآپریشنز کی معطلی کا نفاذ جمعہ سے فوری طور پر کیا گیا ہے اور جن یونٹس کے پائلٹس کو گراؤنڈ کیا گیا اب انہیں مکمل تربیت دی جائے گی۔
ترجمان کے مطابق ایکٹو ڈیوٹی یونٹس کے لیے تربیت کی تاریخ یکم سے 5 مئی تک رکھی گئی ہے جب کہ آرمی نیشنل گارڈز اور ریزرو یونٹس 31 مئی تک اپنی تربیت مکمل کریں گے۔
میڈیا رپورٹس کے مطابق گزشتہ ہفتے امریکی ریاست الاسکا میں دو ایچ اے 64 اپاچی ہیلی کاپٹرز میں تصادم ہوا جس کے نتیجے میں تین امریکی فوجی ہلاک اور چار زخمی ہوئے جب کہ گزشتہ ماہ ہونے والے ایک اور ہیلی کاپٹر حادثے میں 9 ہلاکتیں ہوئی تھیں۔
سوڈان میں جنگ بندی کی خلاف ورزیوں کے عوام پر تباہ کن اور المناک اثرات مرتب ہو رہے ہیں، اقوام متحدہ
اقوام متحدہ //
اقوام متحدہ نے اطلاع دی ہے کہ فریقین کی جانب سے سوڈان میں جنگ بندی کی خلاف ورزیوں کے عوام پر تباہ کن اور المناک اثرات مرتب ہوئے۔
اقوام متحدہ کے سیکرٹری جنرل کے ترجمان سٹیفن دوجارچ نے یومیہ پریس کانفرنس میں سوڈان میں جاری تنازعات کے بارے میں آگاہی کرائی۔
اقوام متحدہ کے سوڈان میں اپنے وجود کو برقرار رکھنے کا ذکر کرنے والے دو جارچ نے یہ پیغام دیا کہ یہ مشن پورٹ سوڈان سے اپنی کاروائیاں سر انجام دے رہا ہے ’’ہم سوڈانی عوام کے ساتھ کھڑے ہیں۔”
دجارچ نے کہا کہ جیسا کہ بہت سے ممالک میں ہے سوڈان میں اقوام متحدہ کی کارروائیوں میں مقامی اہلکار موجود ہیں اور جب بھی موقع ملتا ہے انسانی امداد فراہم کی جاتی ہے، لیکن ہم اپنے اہلکاروں کی حفاظت کے بھی پابند ہیں۔
طرفین کو مذاکرات کی میز پر یکجا کرنے کے لیے مختلف کاروائیاں کرنے کی وضاحت کرنے والے دوجارچ نے کہا کہ "ہماری اولیت فائر بندی کا قیام ہے۔
حاصل کردہ معلومات کے مطابق جھڑپوں کا سلسلہ جاری ہے، جس سے ہماری نسانی امدا د کی ترسیل کی کاروائیاں متاثر ہو رہی ہیں۔ ”
انہوں نے سوڈان میں فائربندی کے اقدام سے صحیح معنوں میں مثبت نتائج حاصل نہ کر سکنے اور جھڑپوں کے حوالے سے کہا کہ :” "یہ ہمارے لیے بہت مایوس کن اور رکاوٹ پیدا کر رہا ہے۔جیسا کہ سیکریٹری جنرل (انتونیو گوٹیریس) نے اقوام متحدہ کی سلامتی کونسل میں کہا، اس تنازعے کے فریق رہنماؤں کو چاہیے کہ وہ سوڈانی عوام کے مفادات کو اپنے ذاتی مفادات بالا تر رکھیں۔”
