سرینگر///
سرینگر کے نشاط علاقے میں جمعہ کو بلیوارڈ روڈ پر دو موٹر سائیکلوں کی ٹکر سے ایک ۲۰سالہ نوجوان کی موت ہو گئی۔
ایک اہلکار کے حوالے سے ایک مقامی خبر رساں ایجنسی نے اطلاع دی ہے کہ بلیوارڈ روڈ پر دو بائک آپس میں ٹکرا گئیں، جس کے نتیجے میں دو بائیک سوار شدید زخمی ہو گئے۔
اہلکار نے کہا کہ واقعے کے فوراً بعد دونوں زخمیوں کوسکمزصورہ لے جایا گیا، جہاں پہنچنے پر ان میں سے ایک کو مردہ قرار دے دیا گیا۔
اہلکار نے ہلاک ہونے والے کی شناخت مومن بٹ ساکنہ حیدر پورہ کے نام سے کی ہے جبکہ زخمی کی شناخت جبران احمد بٹ ساکنہ حیدر پورہ کے نام سے کی ہے۔