چین کے وزیر دفاع ہندوستان کا دورہ کر سکتے ہیں

نئی دہلی//
مشرقی لداخ میں لائن آف ایکچوئل کنٹرول پر ہندوستان اور چین کے درمیان پچھلے تقریباً تین سالوں سے جاری تعطل کے درمیان چین کے وزیر دفاع لی شانگ فو کے ہندوستان کا دورہ کرنے کا امکان ہے ۔
دراصل‘ ہندوستان۲۷؍اپریل سے شنگھائی تعاون تنظیم کے ممالک کے وزرائے دفاع کی میٹنگ کی میزبانی کر رہا ہے اور اس نے اس کیلئے تمام رکن ممالک کے وزرائے دفاع کو مدعو کیا ہے ۔ پاکستان اور چین کے وزرائے دفاع کو بھی اجلاس میں شرکت کی دعوت دی گئی ہے ۔
ذرائع کے مطابق چین کے وزیر دفاع کی ملاقات میں ذاتی طور پر شرکت کا امکان ہے اور اس کیلئے وہ بھارت کا دورہ کر سکتے ہیں۔اگر چینی وزیر دفاع ہندوستان آتے ہیں تو مشرقی لداخ میں تقریباً تین سال سے جاری فوجی تعطل کے بعد چینی وزیر دفاع کا ہندوستان کا یہ پہلا دورہ ہوگا۔ تاہم ابھی تک اس کی باضابطہ تصدیق نہیں ہوئی ہے ۔
واضح رہے کہ اپریل ۲۰۲۰سے چین کی طرف سے لائن آف ایکچوئل کنٹرول پر جمود کو تبدیل کرنے کی یکطرفہ کوشش دونوں ممالک کی فوجوں کے درمیان تعطل کا شکار ہے ۔
اس کے حل کے لیے اب تک دونوں اطراف کے فوجی کمانڈروں کے درمیان مذاکرات کے۱۷دور ہو چکے ہیں جن میں کچھ معاملات طے پا چکے ہیں تاہم کچھ معاملات پر کوئی اتفاق رائے نہیں ہو سکا ہے ۔