نئی دہلی//
مرکزی وزارت تعلیم نے جمعہ کو پروفیسر اے رویندر ناتھ، ڈین، فیکلٹی آف ٹیکنالوجی، عثمانیہ یونیورسٹی، حیدرآباد کو پانچ سال کی مدت کے لیے سینٹرل یونیورسٹی آف کشمیر (سی یو کے) کا وائس چانسلر مقرر کیا۔
ایک حکم کے مطابق، تقرری سنٹرل یونیورسٹیز ایکٹ۲۰۰۹ کے قانون۲ کے مطابق کی گئی ہے۔
حکم نامے میں کہا گیا ہے’’یہ تقرری پانچ سال کی مدت کے لیے کی گئی ہے جس تاریخ کو وہ اپنے عہدے پر داخل ہوں گے‘ یا جب تک کہ وہ ستر سال کی عمر کو نہ پہنچ جائیں، جو بھی پہلے ہو‘‘۔
حکم نامے کے مطابق پروفیسر اے رویندر ناتھ کی سینٹرل یونیورسٹی آف کشمیر کے وائس چانسلر کے طور پر خدمات کی شرائط و ضوابط وہی ہوں گے جو یونیورسٹی کے ایکٹ، قوانین اور آرڈیننس میں درج ہیں۔