۲۰ مارچ تک موسمی صورتحال میں کوئی نمایاں تبدیلی نہیں

سرینگر//
محکمہ موسمیات کی پیش گوئی کے عین مطابق وادی کشمیر میں گذشتہ چوبیس گھنٹوں کے دوران بارشیں ہوئیں۔
متعلقہ محکمے کے ایک ترجمان کے مطابق وادی میں۲۰مارچ تک موسمی صورتحال جوں کی توں رہنے کا امکان ہے ۔انہوں نے کہا کہ اس دوران وادی میں رک رک کر بارشیں ہوسکتی ہیں اور تیز ہوائیں بھی چل سکتی ہیں۔
باغ مالکان سے کہا گیا ہے کہ وہ اس وقفے کے دوران اپنے باغوں کی دوا پاشی کرنے سے احتراز کریں۔
سری نگر میں گذشتہ چوبیس گھنٹوں کے دوران۰ء۱ملی میٹر بارش ریکارڈ ہوئی ہے جبکہ اس مدت کے دوران قاضی میں۸ء۳ملی میٹر‘ پہلگام میں۱ء۲ملی میٹر‘ گلمرگ میں۶ء۰ملی میٹر‘ کوکر ناگ میں۴ء۲۸ملی میٹر‘کولگام میں۰ء۱۹ملی میٹر اوراننت ناگ میں۰ء۱۲ملی میٹر بارش ریکارڈ ہوئی ہے ۔
ادھر وادی میں شبانہ درجہ حرارت میں کہیں کمی تو کہیں اضافہ درج ہوا ہے ۔
سری نگر میں کم سے کم درجہ حرارت۸ء۶ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۶ء۶ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۵ء۰ڈگری سینٹی گریڈ ریکارڈ کیا گیا جہاں گذشتہ شب بھی یہی درجہ حرارت ریکارڈ ہوا تھا۔ایک اورمشہور سیاحتی مقام پہلگام میں کم سے کم درجہ حرارت۱ء۲ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۶ء۱ ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت۸ء۴ ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۳ء۴ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت۸ء۳ ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۵ء۴ڈگری سینٹی گریڈ ریکارڈ ہوا تھا۔لداخ یونین ٹریٹری کے ضلع لیہہ میں کم سے کم درجہ حرارت منفی۴ء۳ڈگری سینٹی گریڈ ریکارڈ ہوا ہے ۔