پی ایم مِتر میگا ٹیکسٹائل پارک ‘میک ان انڈیا، میک فار ورلڈ’ کو پورا کریں گے : مودی

نئی دہلی//وزیر اعظم نریندر مودی نے کہا ہے کہ ملک میں منتخب جگہوں پر قائم کیے جانے والے پی ایم متر میگا ٹیکسٹائل پارکس ‘میک ان انڈیا’ اور ‘میک فار دی ورلڈ’ کی بہترین مثال ثابت ہوں گے اوران سے بڑی سرمایہ کاری اور روزگار کو حوصلہ افزائی ملے گی۔
مسٹر مودی نے جمعہ کو ٹویٹ کیا کہ یہ پارک تمل ناڈو، تلنگانہ، کرناٹک، مہاراشٹر، گجرات، مدھیہ پردیش اور اتر پردیش میں بنائے جائیں گے ۔ اس اسکیم میں کھیت سے لے کر اسپننگ مل، فیکٹری، فیشن اور بیرون ملک مارکیٹ تک ٹیکسٹائل سیکٹر کی ویلیو ایڈیشن سیریز کی کڑیوں کوفروغ دینے کا تصور کیا گیا ہے ۔
انہوں نے تبصرہ کیا "پی ایم مترا میگا ٹیکسٹائل پارک ٹیکسٹائل سیکٹر کے لیے جدید ترین انفراسٹرکچر فراہم کریں گے ، کروڑوں کی سرمایہ کاری کو راغب اور لاکھوں ملازمتیں پیدا کریں گے ۔
وزیر اعظم نے ٹویٹ کیا، "پی ایم مترا میگا ٹیکسٹائل پارک 5 ایف (فارم ٹو فائبر ٹو فیکٹری ٹو فیشن ٹو فارن) ویژن کے مطابق ٹیکسٹائل سیکٹر کو فروغ دیں گے ۔ یہ بتاتے ہوئے خوشی ہو رہی ہے کہ پی ایم متر میگا ٹیکسٹائل پارکس تمل ناڈو، تلنگانہ، کرناٹک، مہاراشٹر، گجرات، مدھیہ پردیش اور اتر پردیش میں قائم کیے جائیں گے ۔