دبئی//) آسٹریلیا کے سابق کپتان رکی پونٹنگ کا ماننا ہے کہ اگر ہندوستان جون میں انگلینڈ کے اوول میں ہونے والی ورلڈ ٹیسٹ چیمپئن شپ (ڈبلیو ٹی سی) کے فائنل میں جگہ بناتا ہے تو اسے شبھمن گل اور کے ایل راہل دونوں کو الیون میں جگہ دی جانی چاہئے۔
واضح رہے کہ راہل طویل عرصے سے خراب فارم سے پریشان ہیں۔ انڈیا نے اندور میں آسٹریلیا کے خلاف تیسرے ٹیسٹ کے لیے الیون میں راہل کی جگہ گل کو جگہ دی تھی حالانکہ پونٹنگ کا خیال ہے کہ اوول کے حالات انڈیا سے مختلف ہیں اور ہندوستانی ٹیم کو وہاں راہل کی ضرورت ہوگی۔
پونٹنگ نے انٹرنیشنل کرکٹ کونسل (آئی سی سی) کے پوڈ کاسٹ ‘ریویو’ پر کہاکہ "یہ دونوں کھلاڑی (راہل اور گل) تھوڑی بہت ٹیسٹ کرکٹ کھیل چکے ہیں اور آپ ان دونوں کو ایک ہی ٹیم میں رکھ سکتے ہیں۔ شبھمن اننگز کا آغاز کر سکتے ہیں اور راہل مڈل آرڈر میں کھیل سکتے ہیں۔ ٹاپ آرڈر میں بھی لیکن وہ (راہل) انگلش حالات میں کرکٹ کھیل چکے ہیں۔
واضح رہے کہ راہل نے انگلینڈ میں اپنی سات ٹیسٹ سنچریوں میں سے دو اسکور کی ہیں۔ انہوں نے رشبھ پنت (114) کے ساتھ 204 رنز کی شراکت داری کی، 2018 میں انگلینڈ کے خلاف اوول ٹیسٹ میں 149 رنز بنائے۔ پونٹنگ کا کہنا ہے کہ انگلینڈ میں جہاں گیند کافی دیر تک سوئنگ کرتی ہے، راہل مڈل آرڈر میں کارگر ثابت ہو سکتے ہیں۔
پونٹنگ نے کہاکہ ’’ہم انگلینڈ کے بارے میں اتنا جانتے ہیں کہ وہاں گیند کافی دیر تک سوئنگ کرتی ہے۔ اگر ابر آلود ہو تو گیند پوری اننگز میں اسی طرح سوئنگ کرتی ہے۔‘‘
راہل کے علاوہ ہندوستان کے سابق کپتان وراٹ کوہلی بھی کافی عرصے سے خراب فارم میں چل رہے ہیں۔ تاہم، انہوں نے محدود اوورز کی کرکٹ میں اپنی فارم پائی ہے، اپنی آخری 10 ٹیسٹ اننگز میں 19.55 کی اوسط سے 176 رنز بنائے۔ پونٹنگ کوہلی کی خراب فارم سے پریشان نہیں ہیں۔
