رام بن:مٹی کے تودے میں ۷ دب گئے ‘ ایک ہلاک

جموں/۷مارچ
ضلع رامبن میں منگل کو جموں سری نگر قومی شاہراہ پر ایک زبردست مٹی کے تودے گرنے سے ایک شخص ہلاک اور چھ دیگر زخمی ہو گئے۔
انہوں نے کہا کہ ریسکیو آپریشن جاری ہے اور اسٹریٹجک ہائی وے پر دو طرفہ ٹریفک معطل کر دی گئی ہے۔
سینئر سپرنٹنڈنٹ آف پولیس (رامبن) موہتا شرما نے بتایا کہ رامبن شہر کے قریب سیری گاو¿ں کے قریب 270 کلومیٹر ہائی وے پر زبردست لینڈ سلائیڈنگ ہوئی جس کے نتیجے میں سات افراد زخمی ہوئے۔
انچارج ایس ایس پی ہائی وے شرما نے بتایا کہ زخمیوں میں سے ایک، سمبر کے سرجیت سنگھ نے زخموں کی تاب نہ لاتے ہوئے دم توڑ دیا۔
انہوں نے بتایا کہ زخمیوں ‘ محمد تاج، حامد، روبینہ بیگم، سکینہ بیگم، سلمیٰ بنی اور عامر کو اسپتال میں داخل کرایا گیا ہے۔
انہوں نے کہا کہ ریسکیو آپریشن جاری ہے اور مزید تفصیلات کا انتظار ہے۔
حکام نے بتایا کہ لینڈ سلائیڈنگ سے کم از کم دو گاڑیوں کو نقصان پہنچا جس سے سڑک مکمل طور پر بند ہوگئی۔