محمد اَسلم نے جوائنٹ ڈائریکٹر اِنفارمیشن کشمیر کا چارج سنبھالا

سرینگر///
محمد اسلم( جے کے اے ایس) نے آج ڈپٹی ڈائریکٹر ( پی آر ) سرینگر بلال مختار اور صوبائی آفس سری نگر کے دیگر سینئر اَفسران اور ملازمین کی موجودگی میں جوائنٹ ڈائریکٹر اِنفارمیشن کشمیر کا چارج سنبھالا۔
کشمیر ڈویژن کا چارج سنبھالنے پر اَفسران اور ملازمین نے جوائنٹ ڈائریکٹر کا والہانہ اِستقبال کیا۔
محمد اسلم پہلے پروجیکٹ آفیسر ویج ایمپلائمنٹ ، ( اے سی ڈی ) اننت ناگ ،ڈپٹی ڈائریکٹر اسٹیٹس کشمیر اور جوائنٹ ڈائریکٹر خوراک ، شہری رسدات اور امورِصارفین کشمیر کے طور پر خدمات اَنجام دے چکے ہیں۔
جوائنٹ ڈائریکٹر نے چارج سنبھالنے کے بعد محکمہ کے اَفسران اور ملازمین کے ساتھ ایک تعارفی میٹنگ منعقد کی جس میں اُنہوں نے محکمہ کے کام کاج کا جائزہ لیا۔
اِس موقعہ پر جوائنٹ ڈائریکٹر نے خطاب کرتے ہوئے ملازمین پر تاکید کی کہ وہ ڈیوٹی میں وقت کی پابندی اور باقاعدگی کو یقینی بنائیں ۔ اِس کے علاوہ اُنہوں نے کہا کہ وہ اَپنے فرائض منصبی کو محنت ، لگن اور جانفشانی کے ساتھ سر اَنجام دیں۔