’مقبوضہ کشمیر بھارت کا اٹوٹ انگ‘

جموں//
لیفٹیننٹ گورنر منوج سِنہانے پاکستان کے زیر قبضہ جموں کشمیر(پی او جے کے) کو بھارت کا حصہ قرار دیتے ہو ئے کہا ہے کہ پارلیمنٹ کی قرار داد میں اس بارے میں کیا گیا وعدہ جلد ہی پورا ہو جائیگا ۔
سنہا نے آج سپورٹس سٹیڈیم بھور کیمپ میں پی او جے کے کے بے گھر اَفراد کیلئے ایل جی سپیشل گورننس کیمپ کا اِفتتاح کیا۔
لیفٹیننٹ گورنر نے کہا ’’ پی او جے کے ہندستان کا اَٹوٹ اَنگ ہے ۔پی او جے کے کے بارے میں پارلیمنٹ میں کیا گیا وعدہ ماتا ویشنو دیوی اور بابا اَمرناتھ کے اَشیرواد سے جلد ہی پورا ہوجائے گا۔‘‘
سنہا نے کہا کہ نئے جموں و کشمیر کی ترقی مرکزی دھارے کی ترقی میں پی او جے کے کے بے گھر افراد کے مکمل انضمام کے بغیر نامکمل ہے ۔ اُنہوں نے کہا کہ ہم سب کی فلاح و بہبود کو یقینی بنانے کیلئے پُرعزم ہیں تا کہ وہ اپنی حقیقی صلاحیتوں کا ادراک کر سکیں اور قوم کی تعمیر میں اپنا حصہ اَدا کرسکیں۔
لیفٹیننٹ گورنر نے کہا کہ ۵ ؍اگست۲۰۱۹ ء کو وزیر اعظم نریندر مودی نے دہائیوں سے جاری ناانصافی کو ختم کیا اور والمیکی ، گورکھا ، صفائی کرمچاریوں اور بے گھر افراد کو مساوی مواقع فراہم کئے ہیں ۔
ایل جی نے کہا ’’ مغربی پاکستان کے کنبوں کو کئی دہائیوں سے امتیازی سلوک کا سامنا تھا ۔ کئی کمیونٹیوں کو ووٹنگ کے حقوق اور آئین میں درج شہریوں کے دیگر حقوق سے محروم کیا گیا تھا ، کئی نسلوں سے دوسرے درجے کے شہری جیسا سلوک کیا گیا ۔ ۲۰۱۹ ء کے بعد انہیں مساوی حقوق دئیے گئے اور سب کو یکساں مواقع فراہم کئے جا رہے ہیں ‘‘۔
لیفٹیننٹ گورنر نے کہا’’پی او جے کے کے بے گھر کنبوں نے بہت نقصان اُٹھایا ہے ۔ وزیر اعظم نریندر مودی جی نے ان کے دُکھوں کو سمجھا او ران کی مالی مدد اور تصفیہ کا اِنتظام کیا۔ ہم نے یہ کیمپ وزیر اعظم کی ہدایت پر سماجی تحفظ کی سکیموں ، نوجوانوں کو سنبھالنے کیلئے منعقد کیا ہے تاہ وہ کاروباری بننے کے اَپنے خوابوں کو پورا کریںاور اس بات کو یقینی بنائیںکہ وہ دیگر شہریوں کی طرح تمام سہولیات حاصل کرسکیں ۔ بے گھر کنبوں کی کالونیوں کو باقاعدہ بنانے کیلئے اَقدامات کئے جائیں گے ۔‘‘
سنہانے اعلان کیا کہ حکومت جموںوکشمیر پی او جے کے کے شہدأ کی یاد میں سمرتی بھون تعمیر کرے گی ۔بے گھر کنبوں کی ثقافت اور روایات کے تحفظ اور فروغ کے لئے ہرممکن کوشش کی جائے گی۔اُنہوں نے مزید کہا کہ زمین کی نشاندہی پہلے ہی کی گئی ہے او رجلد ہی تعمیراتی کام شروع ہوجائے گا۔
لیفٹیننٹ گورنر نے ان بہادر شہریوںکو بھی خراجِ عقیدت پیش کیا جو اَکتوبر ۱۹۴۷ء میں پاکستان کے دہشت گردانہ حملے میں شہید ہوئے تھے۔ ہم ان کی عظیم قربانیوں کو یاد کرتے ہیں اور بے گھر کنبوں کے دُکھ اور تکالیف کو سمجھتے ہیں ۔اُنہوں نے کہا کہ یہ ہماری ذمہ داری ہے کہ ہم ان کے حقوق کو محفوظ بنائیں اور کمیونٹی کی نوجوان پود کی خواہشات کو پورا کرنے کے لئے ایک ساز گار ماحول تیار کریں۔
سنہانے کہا ہم نے یو ٹی سے باہر رہنے والے کنبوں کیلئے ۲۰۲۱ میںرَسائی پروگرام شروع کئے تھے تا کہ کوئی بھی فلاحی سکیم میں پیچھے نہ رہے اور ہنر مندی ، خود روز گار ، سماجی امداد ، سکالر شپ ، کھیل ، معاشی ترقی اور مالی استحکام میں مدد کیلئے مالی شمولیت پر توجہ مرکوز کی جائے گی ۔
لیفٹیننٹ گورنر نے کہا وزیر اعظم کا منتر ’’ ونچتوں کو وریاتا‘‘ ہمارے ترقیاتی سفر کی رہنمائی کر رہا ہے ۔گزشتہ ۳۰ ماہ میں ہم نے جامع حکمرانی ، شفاف ، مؤثر اور جوابدہ کو یقینی بنایا ہے اور سب کو یکساں فائدہ اور مساوی مواقع فراہم کرنے کو بھی یقینی بنایا ہے ۔
سنہانے ۷ ذیلی سکیموں کو ’’ مائیگرنٹوں اور وطن واپس آنے والوں کی ریلیف اور بحالی ‘‘ کے تحت ایک سکیم بنانے اور فلاحی سکیموں کو ۲۶۔۲۰۲۵ ء تک بڑھانے کیلئے وزیر داخلہ کا شکریہ ادا کیا ۔
اِس مہم کا مقصد فلاحی سکیموں کو ہر گھر تک پہنچانا،مرکزی معاونت والی سکیموں اور یوٹی سکیموں کے تحت تمام اِستفادہ کنند گان کی کوریج کو یقینی بنانا ہے جس کا اِنعقاد اودھمپور ، راجوری ، جموں ، پونچھ اور کٹھوعہ میں کیا جائے گا۔
ایل جی نے بتایا کہ دہلی ، چندی گڑھ ، ہماچل ، پنجاب ، راجستھان اور اتراکھنڈ میں کیمپوں کے ذریعے ۲۱ہزار سے زیادہ ڈومیسائل سرٹیفکیٹ جاری کئے گئے ۔ اُنہوں نے کہا کہ جموں کشمیر اور دیگر ریاستوں اور یوٹیز میں مسلسل ایسے کیمپ چلائیں گے تا کہ تمام متاثرہ کنبوںکو سرکاری فلاحی سکیموں کا فائدہ مل سکے ۔
لیفٹیننٹ گورنر نے کہا کہ پی او جے کے کے بے گھر افراد کیلئے ’ یک وقتی مرکزی امداد کے تحت۳۳ہزار۶۳۶ معاملات کو منظور کیا گیا اور۳۳ء۱۴۵۲ کروڑ روپے کی رقم تقسیم کی گئی ۔ یہ سکیم گزشتہ برس ۳مارچ کو ختم ہوئی تھی ۔ کسی نہ کسی طرح ۵ہزار کنبے ٹائم فریم کے اندر دعویٰ جمع نہیں کر سکے ۔ اُنہوں نے کہا کہ یہ مسئلہ مرکزی حکومت کے ساتھ اُٹھایا جائے گا ۔
سنہا نے مزید یقین دِلایا کہ پی او جے کے کے بے گھرکنبوںکے تمام زیر اِلتوا ٔمسائل کو حل کیا جائے گا ۔
لیفٹیننٹ گورنرنے باصلاحیت نوجوانوں پر زور دیا کہ وہ حکومت کی طرف سے چلائے جانے والے نوجوانوں پر مبنی پروگراموں سے اِستفادہ کریں ۔ مشن یوتھ تمام۱۷ سکیموں کے فوائد فراہم کرے گا ۔ اُنہوں نے مزید کہا کہ سپورٹس کونسل ہونہار کھلاڑیوں کو مختلف کھیلوں کے شعبوں میں مواقع اور ہر ممکن مدد فراہم کرے گی ۔