ڈاکٹر مندیپ کمار بھنڈاری لیفٹیننٹ گورنر کا پرنسپل سیکرٹری تعینات

سرینگر//
جموں و کشمیر انتظامیہ نے پیر کے روز ڈاکٹر مندیپ کمار بھنڈاری کو لیفٹیننٹ گورنر کا پرنسپل سیکرٹری جبکہ ڈاکٹر سید عابد رشید شاہ کو تبدیل کر کے انتظامی سیکرٹری محکمہ سیاحت کے طور پر تعینات کیا گیا ہے۔
جنرل ایڈمنسٹریشن ڈپارٹمنٹ کے ایک حکم میں، ڈاکٹر مندیپ کمار بھنڈاری‘جو کہ ایڈجسٹمنٹ کے احکامات کا انتظار کر رہے تھے، کو لیفٹیننٹ گورنر کے پرنسپل سیکرٹری کے طور پر تعینات کیا گیا تھا۔
حکم میں کہا گیا ہے ’’وہ اپنے فرائض کے علاوہ، چیف ایگزیکٹو آفیسر، شری امرناتھ جی شرائن بورڈ کے عہدے کا چارج بھی سنبھالیں گے‘‘۔
ڈاکٹر سید عابد رشید شاہ‘ انتظامی سیکرٹری، ثقافت محکمہ، جو چیف ایگزیکٹو آفیسر، اکنامک ری کنسٹرکشن ایجنسی، جے اینڈ کے کا اضافی چارج سنبھالے ہوئے ہیں‘ کو تبدیل کر کے انتظامی سیکرٹری، محکمہ سیاحت کے عہدے پر تعینات کیا گیا، سرمد حفیظ کو پوسٹ کے اضافی چارج کا فارغ کیا گیا۔
’’وہ اگلے احکامات تک اپنی ذمہ داریوں کے علاوہ، انتظامی سکریٹری، محکمہ ثقافت اور چیف ایگزیکٹو آفیسر، اکنامک ری کنسٹرکشن ایجنسی، جے اینڈ کے کا چارج بھی سنبھالیں گے۔‘‘
اس دوران جموں کشمیر حکومت نے پیر کو انتظامیہ کے مفاد میں نتیش کمار (آئی پی ایس) کو انسپکٹر جنرل آف پولیس سی آئی ڈی جموں و کشمیر کے طور پر تعینات کیا ہے۔
محکمہ داخلہ کی طرف سے جاری کردہ ایک حکم نامے میں کہا گیا ہے کہ نتیش کمار آئی پی ایس، پوسٹنگ کے احکامات کا انتظار کر رہے ہیں، کو انسپکٹر جنرل آف پولیس، سی آئی ڈی، جے اینڈ کے، مہیندر ناتھ تیواری، آئی پی ایس کی جگہ تعینات کیا گیا ہے۔
تیواری، انسپکٹر جنرل آف پولیس، سی آئی ڈی، جموں و کشمیر کو تبدیل کرکے انسپکٹر جنرل آف پولیس، مسلح، جموں، مکیش سنگھ، آئی پی ایس کو عہدے کے اضافی چارج سے فارغ کرتے ہوئے تعینات کیا گیا ہے۔